വടക്കഞ്ചേരി പ്രൈവറ്റ് ബസ് സ്റ്റാന്‍ഡിന് സമീപമുള്ള ഹോട്ടലിലെ പാചകത്തൊഴിലാളി കണക്കന്‍തുരുത്തി ഒടുകിന്‍കുണ്ട് സുജിത്തിന്റ ഫോണ്‍ കഴിഞ്ഞ ദിവസം മോഷണം പോയി.

ഇതു സംബന്ധിച്ച് വടക്കഞ്ചേരി പൊലീസില്‍ പരാതിയും നല്‍കി. മോഷ്ടാവ് ഫോണ്‍ ഉപയോഗിക്കാന്‍ തുടങ്ങിയാല്‍ കണ്ടെത്താനാവുമെന്ന പൊലീസ് സൈബര്‍സെല്ലിന്റെ ഉറപ്പില്‍ പ്രത്യാശ വച്ച് സുജിത്ത് കാത്തിരുന്നു.

എന്നാല്‍ മൂന്നാംദിവസം വടക്കഞ്ചേരിയില്‍ തന്നെയുള്ള കുറിയര്‍ സര്‍വീസ് വഴി ഫോണ്‍ തിരികെയെത്തുകയായിരുന്നു.

കള്ളന് മാനസാന്തരമുണ്ടായി ഫോണ്‍ തിരിച്ചുകിട്ടിയതോടെ ആശ്വാസം കൊള്ളുകയാണ് ഉടമ.

മോഷ്ടിച്ച ഫോണ്‍ കയ്യിലിരുന്നാല്‍ പിടിയിലാകുമെന്നു ഭയന്നാകണം കള്ളന്‍ ഫോണ്‍ തിരികെ അയച്ചത്.