മുരുക്കുംപുഴ മുണ്ടയ്ക്കല്‍ സുമാ കോട്ടേജില്‍ ബാബു ചുമട്ടു തൊഴിലാളിയായിരുന്നു. വര്‍ഷങ്ങള്‍ക്കു മുന്‍പ് വാഹന അപകടത്തില്‍പ്പെട്ടതോടെ മറ്റു ജോലിക്കൊന്നും പോകാനാകാനാകാത്ത സ്ഥിതിയിലായി. ഇതോടെയാണ് ആറ്റിന്‍കുഴിയില്‍ ചെറുകിട ഭാഗ്യക്കുറി കച്ചവടം തുടങ്ങിയത്.

എന്നാല്‍ ലോക് ഡൗണ്‍ വന്നതോടെ ലോട്ടറി കച്ചവടവും നിലച്ചു. പട്ടിണി പടിവാതില്‍ക്കല്‍ എത്തിയപ്പോള്‍ ദുരിതത്തിനിടയില്‍ ഒരു ലോട്ടറി ടിക്കറ്റെടുത്തു.

ഇന്നലെ നറുക്കെടുപ്പു നടന്ന സ്ത്രീശക്തി (എസ് കെ 447584 ) ഭാഗ്യക്കുറി ബാബുവിനെ ലക്ഷാധിപതിയാക്കി.

ഒന്നാം സമ്മാനമായ 75 ലക്ഷം ബാബുവിനാണ്. കണിയാപുരം ഭഗവതി എജന്‍സിയില്‍ നിന്നു ചെറുകിട ഏജന്റായ കണ്ണന്‍ എടുത്തു വിറ്റ ടിക്കറ്റാണിത്.

ബാബുവിന്റെ ഭാര്യ സുമ . അനന്തലക്ഷ്മി, അനന്തകൃഷ്ണന്‍, ആനന്ദകൃഷ്ണന്‍ എന്നിവര്‍ മക്കളാണ്.