എണ്‍പത് വയസ്സാകുമ്പോള്‍ എനിക്ക് ഈ ചുറുചുറുക്കുണ്ടാകുമോ? ഉണ്ടായാല്‍ മതിയായിരുന്നു എന്നു പറയുകയാണ് ഫിറ്റ്‌നസ്സ് ആരാധകരുടെ പ്രിയ താരം മിലിന്ദ് സോമന്റെ ഭാര്യ അങ്കിത. ഇപ്പോള്‍ ഫിറ്റ്‌നെസ്സ് വീഡിയോകളില്‍ ഇടം നേടിയ തന്റെ അമ്മായിഅമ്മയുമായി താരതമ്യം ചെയ്താണ് ആത്മഗതം.

മിലിന്ദിന്റെ അമ്മ ഉഷ ടെറസില്‍ തനിക്കൊപ്പം സിംഗിള്‍ ലെഗ് ഹോപ്പ്‌സ് ചെയ്യുന്ന വീഡിയോ പങ്കുവച്ചുകൊണ്ടാണ് അങ്കിത ഫിറ്റ്‌നെസ്സിനെ പറ്റി പറയുന്നത്. അമ്മയെപ്പോലെ ആ പ്രായത്തിലെത്തുമ്പോള്‍ ഞാനും ഫിറ്റായിരിക്കണേ എന്നാണ് അങ്കിതയുടെ പ്രാര്‍ത്ഥന. ഏത് വ്യായാമമായാലും സാരിയാണ് അമ്മയുടെ പ്രധാനവേഷം എന്നതും ശ്രദ്ധേയമാണ്. മുമ്പ് മിലിന്ദിനൊപ്പം പുഷ് അപ് ചെയ്യുന്ന ഉഷയുടെ വീഡിയോ വൈറലായിരുന്നു.

കാല്‍ മസിലുകള്‍, അരക്കെട്ട് എന്നിവയുടെ ആരോഗ്യത്തിന് മികച്ച വ്യായാമമാണ് സിംഗിള്‍ ലെഗ് ഹോപ്‌സ്. അമ്മയുടെ 81-ാം പിറന്നാള്‍ കഴിഞ്ഞതേയുള്ളൂ. ഫിറ്റ്‌നെസിന്റെ കാര്യത്തില്‍ പ്രായമൊന്നും ഒരു പ്രശ്‌നമല്ലെന്നാണ് ഉഷയുടെ നയം.