'പ്രകൃതിക്കൊരു സങ്കീര്‍ത്തനം'; മയില്‍ കൂട്ടായെത്തിയപ്പോള്‍ മോദിയിലെ കവി പീലി വിടര്‍ത്തി!
പ്രധാനമന്ത്രി നരേന്ദ്രമോദി തന്റെ ഔദ്യോഗിക വസതിയില്‍ മയിലിനു തീറ്റ കൊടുക്കുന്ന വിഡിയോ ദൃശ്യങ്ങള്‍ അദ്ദേഹം സമൂഹമാധ്യമങ്ങളില്‍ പങ്കുവച്ചു.
മയിലുകള്‍ മോദിയുടെ കയ്യില്‍ നിന്ന് ഭക്ഷണം കൊത്തിത്തിന്നുന്നതും അദ്ദേഹം ഓഫിസിലേക്കു നടക്കുമ്പോഴും പ്രഭാത സവാരിക്കിടെയും പീലി വിടര്‍ത്തുന്നതും 1:47 മിനിറ്റ് ദൈര്‍ഘ്യമുള്ള വിഡിയോയില്‍ കാണാം.
'പ്രകൃതിക്കൊരു സങ്കീര്‍ത്തനം' എന്ന തലക്കെട്ടോടെ ഹിന്ദിയിലെഴുതിയ കവിതയും അദ്ദേഹം പങ്കുവച്ചിട്ടുണ്ട്.
പ്രധാനമന്ത്രിയുടെ പ്രഭാത വ്യായാമ വേളയില്‍ മയിലുകള്‍ കൂട്ടുവരുന്നത് പതിവാണെന്ന് ഔദ്യോഗിക വൃത്തങ്ങള്‍ അറിയിച്ചു. പക്ഷികള്‍ക്കു കൂടൊരുക്കാന്‍ പാകത്തില്‍ ഔദ്യോഗിക വസതിയില്‍ സ്വാഭാവിക രീതിയിലുള്ള നിര്‍മാണങ്ങള്‍ അദ്ദേഹത്തിന്റെ നിര്‍ദേശ പ്രകാരം സജ്ജീകരിച്ചിട്ടുണ്ട്.
ഗുജറാത്തി ഭാഷയില്‍ പ്രകൃതിസ്തുതി നിറഞ്ഞ കവിതാ പുസ്തകവും മോദി പ്രസിദ്ധീകരിച്ചിട്ടുണ്ട്.
https://www.facebook.com/Malayalivartha
