പെന്‍സിലിന്റെ മുനയില്‍ യുദ്ധ വിമാനങ്ങളുടെ പേര് എഴുതിച്ചേര്‍ത്ത് ദേശീയ റെക്കോര്‍ഡ് സ്വന്തമാക്കി ബിബിന്‍ തോമസ് എന്ന ഫിസിയോ തെറപ്പി വിദ്യാര്‍ഥി. ഇന്ത്യന്‍ വ്യോമസേനാ യുദ്ധ വിമാനങ്ങളുടെ പേര് പെന്‍സില്‍ കാര്‍വിങ്ങിലൂടെ ചെയ്തതിനാണ് ബിബിന്‍ തോമസ് ഇന്ത്യന്‍ ബുക്ക് ഓഫ് റെക്കോര്‍ഡ്‌സില്‍ ഇടം പിടിച്ചത്.

ഇതിന് ഇന്ത്യന്‍ ബുക്ക് ഓഫ് റെക്കോര്‍ഡ്‌സ് അധികൃതര്‍ നല്‍കിയ സമയം 7 ദിവസമാണ് എങ്കിലും 9 മണിക്കൂര്‍ കൊണ്ട് ബിബിന്‍ തന്റെ ഉദ്യമം പൂര്‍ത്തിയാക്കി. റഫേല്‍ അടക്കം വളരെ പ്രശസ്തമായ 25 യുദ്ധ വിമാനങ്ങളുടെ പേരുകളാണ് പെന്‍സിലില്‍ ചെയ്തത്.

സമൂഹ മാധ്യമങ്ങളില്‍ നിന്ന് ഈ വിദ്യ പഠിച്ചത് ലോക്ഡൗണിനെ തുടര്‍ന്ന് വിദ്യാലയം അടച്ചതോടെ വീട്ടില്‍ ഇരിക്കുന്ന സമയത്താണ്. തടത്തില്‍പുത്തന്‍പുര തോമസ്-ബിന്ദു ദമ്പതികളുടെ മകനാണ്.