കക്കയെ കൊത്തിത്തിന്നാന്‍ നോക്കിയ പൊന്മാന് പണി കിട്ടി!
തിരുവോണനാളില്‍ ഉച്ചയ്ക്ക് നീലേശ്വരം പൊടോത്തുരുത്തിയില്‍ കാര്യംകോട് പുഴക്കടവിലെത്തിയവര്‍ ഒരു കൗതുകകാഴ്ച കണ്ടു. വിശന്നു വലഞ്ഞ ഒരു പൊന്മാന്റെ മുമ്പില്‍പെട്ടത് ഒരു കക്ക ആയിരുന്നു. മീനെന്നു കരുതിയാകണം കക്കയെ കൊത്തി അകത്താക്കാന്‍ നോക്കി പൊന്മാന്. പക്ഷേ പെട്ടുപോയെന്നു പറഞ്ഞാല്‍ മതിയല്ലോ!
പൊന്മാന് കൊത്തിയെടുത്തതോടെ അപകടം മണത്ത കക്ക പുറന്തോട് അടച്ചു. ഇതിനിടെ പൊന്മാന്റെ കൊക്ക്് കക്കയുടെ കട്ടിയുള്ള പുറന്തോടിനുള്ളിലായി.
വെട്ടിലായ പൊന്മാന് ഇതോടെ മരണവെപ്രാളം തുടങ്ങി. ചിറകിട്ടടിച്ചും തലയിട്ടടിച്ചും കക്കത്തോടില്‍ നിന്നു കൊക്കൂരാന്‍ പഠിച്ച പണി പതിനെട്ടും പയറ്റിയെങ്കിലും കഴിയാതെ പൊന്മാന് തളര്‍ന്നു.
ഇതിനിടെ ചില സമീപവാസികള്‍ കണ്ടു. ഇവര്‍ കക്കയുടെ പുറന്തോട് ബലമായി അകത്തിയതോടെ ചുണ്ടു വേര്‍പെട്ടു കിട്ടിയ ആശ്വാസത്തില്‍ പൊന്മാന് പറന്നകലുകയു ചെയ്തു. എം.ഗോപിനാഥന്‍, എം.വി.ശ്രീനിവാസന്‍, അമ്പുരാജ് പൊടോത്തുരുത്തി, എം.ബാബു, ടി.വി.കുഞ്ഞിക്കണ്ണന്‍ എന്നിവരുടെ നേതൃത്വത്തിലാണ് പൊന്മാനെ രക്ഷിച്ചത്.
https://www.facebook.com/Malayalivartha
