തമിഴ്നാട്ടിലെ മധുര മേലവാസി തെരുവിലെ വിവേക് സഭാപതി നിര്‍മ്മിച്ച ചായക്കപ്പ് വൈറലാവുകയാണ്. സംസ്ഥാനത്ത് പ്ലാസ്റ്റിക് നിരോധനം വന്നതോടെ ഇദ്ദേഹം ഒന്നുമാറി ചിന്തിച്ചതാണ് 'ബിസ്‌കറ്റ് കപ്പ്' എന്ന ആശയത്തിലെത്തിച്ചത്.

വിവേക് സഭാപതി ഹൈദരാബാദിലെ ഒരു സുഹൃത്തുമായി കൂടിയാലോചിച്ചാണ് ബിസ്‌കറ്റ് കപ്പിനു രൂപം നല്‍കിയത്. ബിസ്‌കറ്റ് ചായയില്‍ മുക്കി കഴിക്കണ്ട, പകരം ചായ ഒന്നു നുണഞ്ഞതിനു ശേഷം കപ്പിലൊന്നു കടിച്ചാല്‍ മതി എന്നതാണ് പ്രത്യേകത.

60 മില്ലിലീറ്റര്‍ ചൂടുചായ 10 മിനിറ്റ് വരെ ഈ ഗ്ലാസില്‍ സൂക്ഷിക്കാം. 20 രൂപയാണ് ഒരു ചായയുടെ വില. ചായ ഇല്ലാതെ ബിസ്‌കറ്റ് ഗ്ലാസ് ഒറ്റയ്ക്കും ലഭിക്കും. ഒരു ബിസ്‌കറ്റ് കപ്പിന് 15 രൂപയാണ് വില. ഇദ്ദേഹത്തിന്റെ ഈ ചായ ഇപ്പോള്‍ വൈറലായിരിക്കുകയാണ്.