ലോക്ഡൗണില്‍ മകള്‍ ഒറ്റയ്ക്കിരുന്നത് കണ്ട് വാങ്ങിയതാണ് 30,000 രൂപയ്ക്ക് തത്തയെ...ഒരാഴ്ച മുന്‍പ് വീട്ടുമുറ്റത്തു നിന്നു പറന്നുപോയ ബിയക്കുട്ടിയുടെ സ്‌മോക്കിയെ കണ്ടാല്‍ അറിയിക്കണേ...!
29 OCTOBER 2020 02:14 PM IST
മലയാളി വാര്‍ത്ത
കോവൂര്‍ സ്വദേശിയായ 6 വയസ്സുകാരി ബിയ ഒരാഴ്ച മുന്‍പ് തന്നെ വിട്ടു പറന്നുപോയ പ്രിയപ്പെട്ട തത്ത തിരികെവരുമെന്ന പ്രതീക്ഷയില്‍ കഴിയുകയാണ്.
ലോക്ഡൗണില്‍ മകള്‍ ഒറ്റയ്ക്കിരുന്നു വിഷമിക്കുന്നതു കണ്ടാണ് 30,000 രൂപയ്ക്ക് അച്ഛന്‍ സബിന്‍രാജ് തത്തയെ വാങ്ങിയത്.
ആഫ്രിക്കന്‍ ഗ്രേ ഇനത്തില്‍പെട്ട തത്തയ്ക്ക് സ്‌മോക്കി എന്നാണ് ബിയ പേരിട്ടത്. കൂടെക്കൊണ്ടുനടന്നു വളര്‍ത്തിയ തത്ത ബിയയുടെ ഉറ്റ സുഹൃത്തായി മാറിയിരുന്നു. കയ്യിലെടുത്തും തോളത്തിരുത്തിയും തത്തയോടൊപ്പം സമയം ചെലവഴിക്കുന്നതായിരുന്നു പതിവ്.
എന്നാല്‍, വീട്ടുമുറ്റത്തു നിന്നും ഒരാഴ്ച മുന്‍പ് തത്ത പറന്നുപോയി. കഴിഞ്ഞ ദിവസം മലയാള മനോരമയില്‍ പരസ്യം നല്‍കിയിരുന്നു. തത്തയെ കണ്ടെന്നു പറഞ്ഞ് ആരെങ്കിലും വിളിക്കുമെന്ന പ്രതീക്ഷയിലാണ് ബിയയും സബിന്‍രാജും. 9847110000
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
