നായകളുടെ യജമാനഭക്തിയെ കുറിച്ച് ധാരാളം പറഞ്ഞുകേട്ടിട്ടുണ്ടാവും. പട്ടിണി കിടക്കുന്ന ഒരു നായയെ നിങ്ങള്‍ എടുത്ത്  സംരക്ഷിച്ചാല്‍ മരിക്കുന്നതു വരെയും അതു നിങ്ങളെ വിട്ടുപോവില്ല എന്നാണ് പറഞ്ഞു കേട്ടിട്ടുള്ളത്.അത് ഏറെക്കുറെ ശരിയാണെന്ന് എല്ലാവരും സമ്മതിക്കുകയും ചെയ്യും.

എന്നാല്‍ മനുഷ്യരോട് ഇണങ്ങിയ ഒരു മല്‍സ്യം ഉണ്ടെന്നു പറഞ്ഞാല്‍ നിങ്ങള്‍ വിശ്വസിക്കുമോ?ഒരിക്കലും മനുഷ്യനു പിടിതരാന്‍ ഇഷ്ടപ്പെടുന്നവരല്ല മത്സ്യങ്ങള്‍. കഴിവതും അവര്‍ രക്ഷപെടാന്‍ നോക്കും. എന്നാല്‍ സോഷില്‍ മീഡിയയില്‍ ഇപ്പോള്‍ പ്രചരിക്കുന്ന വീഡിയോ അക്ഷരാര്‍ത്ഥത്തില്‍ നിങ്ങളെ അമ്പരപ്പിക്കും.

പറഞ്ഞു വിട്ടിട്ടും പോകാതെ ഒരു തലോടലിനായി അടുത്തു കൂടുന്ന മീനിന്റെ വീഡിയോ വൈറലാകുന്നു. ഓരോ തവണ അടുത്തു വരുമ്പോഴും പിടിച്ചു വീണ്ടും വെള്ളത്തില്‍ ഇട്ടാലും പോയതിനെക്കാള്‍ വേഗത്തില്‍ തിരിച്ചു വരുന്നതു കാണാം.