ഒരു കുതിരയും ചീങ്കണ്ണിയും തമ്മിലുള്ള യുദ്ധമാണ് ഇപ്പോള്‍ യു ട്യൂബില്‍ ആളുകള്‍ കൂടുതല്‍ തിരയുന്നത്. ഒരു പുല്‍മേട്ടില്‍ മേഞ്ഞുകൊണ്ടിരുന്ന കുതിരക്കൂട്ടത്തിലെ ഒരു വികൃതിക്കുതിരയും വെയില്‍ കാഞ്ഞുകിടന്ന ഒരു ചീങ്കണ്ണിയും തമ്മിലാണ് ഏറ്റുമുട്ടല്‍.

പൊരിഞ്ഞ പോരാട്ടമായിരുന്നു. വെറുതെ കിടന്ന ചീങ്കണ്ണിയുടെ മേല്‍ വാശിയോടെ ചവിട്ടിയ കുതിരയക്ക് ഒടുവില്‍ പണിയും കിട്ടി. കുതിരയുടെ ചവിട്ട് സഹിക്കാതെ ആദ്യം ഓടിമാറാനാണ്് ചീങ്കണ്ണി ശ്രമിക്കുന്നത്. എന്നാല്‍ വിടാനുള്ള ഭാവം കുതിരയ്ക്കില്ല.

പിന്തുടര്‍ന്ന് ചവിട്ടിയ കുതിരയെ തിരിഞ്ഞ് ഒന്നാന്തരം ഒരു കടിയും കൊടുത്തിട്ടാണ് ചീങ്കണ്ണി പിന്മാറിയത്. കിട്ടാനുള്ളത് കിട്ടിക്കഴിഞ്ഞപ്പോള്‍ കുതിരയും അടങ്ങി. ഒരു ദേശീയ പാര്‍ക്കില്‍ നടന്ന ഈ സംഭവം സഞ്ചാരികളില്‍ ഒരാളാണ് വീഡിയോയില്‍ പകര്‍ത്തി പുറത്തുവിട്ടത്. വീഡിയോ കാണാം: