ഇടിവെട്ടേറ്റവനെ പാമ്പ് കടിച്ചെന്ന് പറഞ്ഞാല്‍ മതിയല്ലോ! അത്തരമൊരു അവസ്ഥയാണ് കാറപകടത്തില്‍ പരിക്കേറ്റ് ആശുപത്രിയിലായ ഈ 'പാവപ്പെട്ട' കാമുകന് സംഭവിച്ചിരിക്കുന്നത്. വീഡിയോയില്‍ കാണുന്ന യുവാവിനെ ഒരു വാഹനാപകടത്തെ തുടര്‍ന്നാണ് ആശുപത്രിയില്‍ പ്രവേശിപ്പിച്ചത്. എന്നാല്‍ പിന്നീട് സംഭവിച്ചതോ...ശരീരത്തിലേറ്റ മുറിവുകളേക്കാള്‍ വലുതായിരുന്നു പിന്നീട് വരാനിരുന്നത്.അപകട വിവരമറിഞ്ഞ് താന്‍ സ്‌നേഹിക്കുന്ന രണ്ട് കാമുകിമാരും കൂടി ഇയാളെ സന്ദര്‍ശിക്കാന്‍ വന്നിരിക്കുന്നു,ഒരേ സമയത്ത്. ഒരാള്‍ വെളുത്ത വസ്ത്രവും മറ്റേയാള്‍ കറുത്ത വസ്ത്രവുമണിഞ്ഞാണ് വന്നിരിക്കുന്നത്. രണ്ടാമത്തെ കാമുകി വന്നപ്പോള്‍ ദേ ഇരിക്കുന്നു ഒന്നാം കാമുകി യുവാവിന്റെ കൂടെ തൊട്ടുരുമ്മി. പിന്നെ അവിടെ ഒരു യുദ്ധസമാനമായിരുന്നു സ്ഥിതിഗതികള്‍.

രണ്ടുപേരും കൂടി തുടങ്ങി അവകാശ വാദങ്ങള്‍. ഒരാള്‍ പറഞ്ഞു ഞാന്‍ കഴിഞ്ഞ രാത്രി ഇയാളുടെ കൂടെയായിരുന്നു. എനിക്കാണ് ഇയാളില്‍ അവകാശം. മറ്റേ കാമുകിയും വിടാതെ കട്ടക്ക് പിടിച്ചു നിന്നും. എല്ലാം കേട്ട് യുവാവിന്റെ ഹൃദയമിടിപ്പ് കൂടിക്കൂടി വരുന്നതായി അവിടെയുണ്ടായിരുന്ന നേഴ്‌സ് എല്ലാവരോടും പറഞ്ഞു. പിന്നീട് സെക്യൂരിറ്റി പ്രവര്‍ത്തകര്‍ വന്നാണ് ഇരുവരേയും പുറത്താക്കിയത്.

ആ സമയത്ത് അവിടെയുണ്ടായിരുന്ന ആരോ ആണ് സംഭവം റെക്കോര്‍ഡ് ചെയ്ത് ട്വിറ്ററില്‍ പോസ്റ്റ് ചെയ്തത്. ഏതായാലും ആശുപത്രിയില്‍ നിന്നിറങ്ങുമ്പോള്‍ കാമുകന്റെ കാര്യത്തില്‍ ഒരു തീരുമാനമാകും!