കാര്‍ വേണ്ടാത്തവരും ശ്രദ്ധിയ്ക്കും കാര്‍ വില്‍പ്പനയ്ക്കുണ്ട് എന്ന ഈ പരസ്യം!
കാര്‍ വില്‍പ്പനയ്ക്കു വയ്ക്കുന്നതും പത്രത്തിലും മറ്റ് അനുബന്ധ സൈറ്റുകളിലും പരസ്യം നല്‍കുന്നതുമൊക്കെ നമ്മള്‍ കണ്ടിട്ടുള്ള കാര്യമാണ്.
അങ്ങനെ ഒരു പരസ്യം വന്നാല്‍ ഒരു യൂസ്ഡ് കാര്‍ വാങ്ങിയാലോ എന്നു വിചാരിച്ചിരിക്കുന്നവര്‍ ആ പരസ്യം വായിച്ചുനോക്കാനോ കണ്ട് വിവരങ്ങള്‍ അറിയാനോ ശ്രമിയ്ക്കും.
എന്നാല്‍ ഗ്രാഫിക് ഡിസൈനറായ യൂജിന്‍ റോമനോസ്‌കി തന്റെ കാര്‍ വില്‍പ്പനയ്ക്കുണ്ടെന്ന് അറിയിച്ച് പരസ്യം ചെയ്തപ്പോള്‍ കാര്‍ വാങ്ങാന്‍ ഉദ്ദേശ്യമില്ലാതിരുന്നവര്‍ കൂടി ആ പരസ്യം ഒന്നു കാണാന്‍ ആഗ്രഹിച്ചു. യൂജിന്റെ 96 മോഡല്‍ സുസുകി വിതാരയാണ് വില്‍പ്പനക്കായി വെച്ചത്.
ഗ്രാഫിക്‌സിന്റെ വിസ്മയം തന്നെയാണ് പരസ്യത്തില്‍ അദ്ദേഹം ഒരുക്കിയിരിക്കുന്നത്. ചീറ്റപ്പുലിയും ദിനോസറുകളും എല്ലാം അദ്ദേഹത്തിന്റെ ഡിസൈനിംഗ് മികവില്‍ കണാന്‍ സാധിക്കും. ചന്ദ്രനില്‍ നിന്നുള്ള രംഗങ്ങള്‍ കൂടിയായപ്പോള്‍ പറയേണ്ടതില്ലല്ലോ.
എന്തൊക്കെയായലും സംഗതി സോഷ്യല്‍ മീഡിയ ഏറ്റെടുത്തിരിക്കുകയാണ്. മുപ്പത് ലക്ഷത്തിലേറെ ആളുകള്‍ ആ വിഡിയോ ഇതുവരെ കണ്ടു കഴിഞ്ഞു.
https://www.facebook.com/Malayalivartha
