വഞ്ചിയുമായി നദിയില്‍ ചുറ്റാനിറങ്ങിയ ആളുടെ പിന്നാലെ കൂറ്റന്‍ മുതല. വഞ്ചിയുടെ തൊട്ടു പിന്നില്‍ ആയി ആണ് മുതല പിന്തുടര്‍ന്നത്. വഞ്ചി തുഴഞ്ഞിരുന്ന ആള്‍ മുതലയെ കാണുന്നതും തുടര്‍ന്ന് വളരെ വേഗത്തില്‍ വഞ്ചി തുഴയുന്നതും വീഡിയോയില്‍ വ്യക്തമാകുന്നുണ്ട്.

നദിക്കരയില്‍ നിന്നൊരാളാണ് ഇതു കണ്ട് ദൃശ്യങ്ങള്‍ ക്യാമറയില്‍ പകര്‍ത്തിയത്. അലബാമയിലാണ് സംഭവം ഉണ്ടായത്. നദീതീരത്തെ കോഫി ഷോപ്പിലെത്തിയ ഷാനോന്‍ കോളിന്‍സാണ് വഞ്ചിക്കാരന്റെ ദൃശ്യങ്ങള്‍ പകര്‍ത്തിയത്.

ആദ്യം ശ്രദ്ധയില്‍പ്പെട്ടപ്പോള്‍ വഞ്ചിക്കാരന്‍ മീനോ മറ്റോ കെട്ടിവലിച്ചുകൊണ്ട് വരുകയായിരുന്നു എന്നാണ് കരുതിയത്. പിന്നാലെയാണ് അത് കൂറ്റന്‍ മുതലയാണെന്ന് മനസിലാക്കുന്നത്.

തൊട്ടു തൊട്ടില്ല എന്ന മട്ടില്‍ മുതല എത്തിയപ്പോഴേയ്ക്കും വഞ്ചിക്കാരന് കരയ്ക്ക് കയറാന്‍ കഴിഞ്ഞതുകൊണ്ട് ജീവന്‍ തിരികെ കിട്ടി.

നദിയില്‍ ഇടയ്ക്ക് വഞ്ചിയില്‍ പോകാറുണ്ടെന്നും എന്നാല്‍ കൂറ്റന്‍ മുതല പിന്തുടരുന്നത് ആദ്യമായാണെന്നും വഞ്ചിക്കാരന്‍ വ്യക്തമാക്കി.