ലോകത്തിലെ ഏറ്റവും അപകടകാരികളായ ബ്ലക് മാമ്പകള്‍ തമ്മിലുള്ള പോരാട്ടത്തിന്റെ ദൃശ്യങ്ങള്‍ പുറത്ത്. സൗത്ത് ആഫ്രിക്കയിലുള്ള ഒരു ഗോള്‍ഫ് മൈതാനത്തിലാണ് സംഭവം നടന്നത്.

ക്രൂഗര്‍ നാഷണല്‍ പാര്‍ക്കിനു സമീപമുള്ള ലെപഡ് ക്രീക്ക് ഗോള്‍ഫ് മൈതാനത്തായിരുന്നു പോരാട്ടം. പേരാട്ടം മൊബൈലില്‍ പകര്‍ത്തി പുറത്തുവിട്ടത് ഗോള്‍ഫ് കളിക്കാനെത്തിയ സാരാ ട്രെഹെര്‍നേ എന്ന യുവതിയാണ്.

ആണ്‍ ബ്ലാക് മാമ്പകളാണ് ആണത്വം തെളിയിക്കാനുള്ള പേരാട്ടം നടത്തിയത്. ജയിക്കുന്നവര്‍ക്ക് ആ അതിര്‍ത്തിയില്‍ വിഹരിക്കാം. ഒന്നിനു മേല്‍ ഒന്നിനെ വരിഞ്ഞു മുറുക്കിയായിരുന്നു പാമ്പുകളുടെ പോരാട്ടം.

എന്നാല്‍ പോരാട്ടം നീണ്ടപ്പോള്‍ രണ്ടുപേരും അവശരായി. പിന്നാലെ പോരാട്ടം നിര്‍ത്തി സമീപത്തെ പൊന്തക്കാട്ടിലേയ്ക്ക് ഇഴഞ്ഞു പോകുകയായിരുന്നു.