യുഎഇയില്‍ ദുബായ്ക്കും റാസല്‍ ഖൈമയ്ക്കുമിടയിലുള്ള ദേശീയപാതയുടെ മധ്യത്തില്‍ ഒട്ടകങ്ങള്‍ റോഡിലുണ്ടാക്കിയത് വമ്പന്‍ ബ്ലോക്ക്.

രണ്ട് ഒട്ടകങ്ങള്‍ ഇണചേര്‍ന്നതിനെ തുടര്‍ന്നാണ് മണിക്കൂറുകളോളം ഗതാഗതം നിലച്ചത്. ദുബായ് സിറ്റി സെന്ററില്‍ നിന്നും 40 മൈല്‍ അകലെയുള്ള പ്രദേശത്ത് നിന്നാണ് ഇതിന്റേതായി പ്രചരിക്കുന്ന 30 സെക്കന്‍ഡ് ദൈര്‍ഘ്യമുള്ള ക്ലിപ്പ് പകര്‍ത്തിയിരിക്കുന്നതായി പറയുന്നത്.

ഈ അപൂര്‍വ ദൃശ്യം ക്യാമറയില്‍ പകര്‍ത്തിയിരിക്കുന്നത് ഒരു ബ്രിട്ടീഷ് പ്രവാസിയാണ്. ഷെയ്ഖ് മുഹമ്മദ് ബിന്‍ സയിദ് റോഡിനടുത്താണ് വ്യാഴാഴ്ച ഉച്ചയ്ക്ക് ശേഷം ഈ സംഭവം അരങ്ങേറിയത്. നോര്‍ത്തേണ്‍ അയര്‍ലണ്ടിലെ ബാന്‍ഗോര്‍ സ്വദേശിയായ 25 കാരനാണീ ഫൂട്ടേജ് പകര്‍ത്തിയിരിക്കുന്നത്.

താനും സുഹൃത്തുക്കളും ഒരു സ്‌റ്റേജ് പാര്‍ട്ടിക്ക് പോകവെയാണീ അപൂര്‍വ്വദൃശ്യത്തിന് സാക്ഷികളായതെന്ന് അദ്ദേഹം വെളിപ്പെടുത്തുന്നു.

താന്‍ ഇതുവരെ കണ്ടിട്ടുള്ളതില്‍ വച്ചേറ്റവും അപൂര്‍വമായ കാഴ്ചയായിരുന്നു ഇതെന്നാണ് എസ്‌റ്റേറ്റ് ഏജന്റ് കൂടിയായ ഈ ചെറുപ്പക്കാരന്‍ പറയുന്നത്.

താന്‍ ഇവിടെ രണ്ട് വര്‍ഷങ്ങളായി കഴിയുന്നുവെങ്കിലും ഇത്തരത്തിലുള്ള കാഴ്ച ആദ്യമായാണ് കാണുന്നതെന്നും അദ്ദേഹം വെളിപ്പെടുത്തുന്നു.