ഒരു പാമ്പ് ഛര്‍ദിക്കുന്നതിന്റെ അസുഖകരമായ ദൃശ്യങ്ങള്‍ സാമൂഹ്യ മാധ്യമങ്ങള്‍ വഴി പ്രചരിച്ചു കൊണ്ടിരിക്കുന്നു. എവിടെയാണ് ഈ രംഗങ്ങള്‍ നടന്നതെന്ന് വ്യക്തമല്ല. വീഡിയോ യൂട്യൂബില്‍ പോസ്റ്റ് ചെയ്തതിനെ തുടര്‍ന്ന് വൈറലാകുകയായിരുന്നു.

ഒരു പാമ്പിന്റെ വായില്‍ നിന്നും മറ്റൊരു പാമ്പിന്റെ വാലറ്റം പുറത്തേയ്ക്ക് കിടക്കുന്നതാണ് വീഡിയോയുടെ തുടക്കത്തില്‍ കാണുന്നത്. ഈ പാമ്പ് അതിന്റെ വായിലൂടെ അതിനെ പുറന്തള്ളാന്‍ ശ്രമിക്കുകയാണെന്ന് അല്‍പ്പം കഴിയുമ്പാള്‍ നമുക്ക് മനസ്സിലാക്കാന്‍ കഴിയും.

വിഴുങ്ങിയ പാമ്പിനെ പതിയെ അത് ഛര്‍ദിക്കുന്നു. ഏറെക്കുറെ ഒരേ നീളമുള്ള മറ്റൊരു പാമ്പിനെ ആഹാരമാക്കാന്‍ ശ്രമിച്ചിട്ട് അതിനു കഴിയാതെ വന്നപ്പോള്‍ അതിനെ പുറന്തള്ളുകയായിരുന്നു. വായില്‍ നിന്നും പുറത്തേക്കു കളഞ്ഞ പാമ്പിനും ജീവനുണ്ടായിരുന്നു. രണ്ടു പാമ്പുകളും പിന്നീട് ഇഴഞ്ഞു മാറുന്നതും വീഡിയോയില്‍ കാണാം.