അമേരിക്കന്‍ സംസ്ഥാനമായ ഫ്‌ളോറിഡയിലെ ടാംപായ്ക്കടുത്തുള്ള വെനീസില്‍ ഒരു വീട്ടിലെ സ്വിമ്മിംഗ് പൂളില്‍ ആരോ നീന്തിത്തുടിയ്ക്കുന്ന ശബ്ദം കേട്ടപ്പോള്‍ വീട്ടുകാര്‍ക്കാകെ അതിശയമായി.

വീട്ടിലെ അംഗങ്ങളെല്ലാം വീട്ടിനുള്ളില്‍ തന്നെയുണ്ടല്ലോ..അപ്പോള്‍ പിന്നെ ആരാണ് നമ്മുടെ പൂള്‍ ഉപയോഗിയ്ക്കുന്നതെന്നറിയാന്‍ ആകാംക്ഷയുമായി.

വീട്ടിലുണ്ടായിരുന്നവര്‍ പൂളിനടുത്തെത്തിയപ്പോള്‍ കണ്ട കാഴ്ച അവരെ ഞെട്ടിച്ചു കളഞ്ഞു. സ്വിമ്മിംഗ് പൂളില്‍ കിടന്നു കളിച്ചു രസിച്ചു കൊണ്ടിരുന്നത് ഒരു ഭീമന്‍ മുതല ആയിരുന്നു.

ആദ്യത്തെ ഞെട്ടല്‍ മാറിയപ്പോള്‍ അവര്‍ പെട്ടെന്ന് തന്നെ പോലീസിനെ വിവരമറിയിക്കുകയായിരുന്നു. തുടര്‍ന്ന് അവരെത്തിയാണ് മുതലയെ നീക്കിയത്. ഒന്‍പതോളം അടി നീളമുണ്ട് ഈ ഭീമന്‍ മുതലയ്ക്ക്.

കഴുത്തില്‍ കുരുക്കിട്ടാണ് മുതലയെ കരയിലേക്കു വലിച്ചുകയറ്റിയത്. ഇതിന്റെ ചിത്രങ്ങളും വീഡിയോയും ഫേസ്ബുക്കില്‍ പോസ്റ്റ് ചെയ്തതിനെ തുടര്‍ന്ന് വൈറലായി മാറിയിരിക്കുകയാണ്.