വെറും കൈകൊണ്ട് മീന്‍ പിടിക്കുന്ന വൃദ്ധന്‍.. വീഡിയോ കാണാം
വീടിനടുത്തുള്ള കുളത്തില്‍ നിന്നോ പുഴയില്‍ നിന്നോ മീന്‍ പിടിക്കാന്‍ പോകണമെങ്കില്‍ നാം എന്തൊക്കെ കൈയ്യില്‍ കരുതണം?
ചൂണ്ടയും മീന്‍കൂടയുമോ അല്ലെങ്കില്‍ വീശുവലയോ കോരുവലയോ അങ്ങനെ എന്തെങ്കിലുമൊക്കെ സന്നാഹങ്ങളുമായി വേണം പോകാന്‍.
എന്നാല്‍ ഇങ്ങനെയൊക്കെ യു.എസിലെ അലബാമ സ്വദേശി റോബര്‍ട്ട് ഏള്‍ വുഡാര്‍ഡിന്റെ മുമ്പില്‍ ചെന്നുനിന്നു പറഞ്ഞാല്‍ റോബര്‍ട്ടിനു ചിരിവരും. കാരണം റോബര്‍ട്ടിനു മീന്‍ പിടിക്കാന്‍ ഇതൊന്നും ആവശ്യമില്ല.
വീട്ടില്‍ കറിവയ്ക്കാന്‍ മീന്‍ വേണമെന്നു പറഞ്ഞാല്‍, ഞാന്‍ പുഴയില്‍ പോയി 'എടുത്തുകൊണ്ടുവരാം' എന്നു പറഞ്ഞാലുമായി! എന്താണെന്നോ? തന്റെ ഒരു കൈ മാത്രം മതി അയാള്‍ക്ക് മീന്‍ പിടിക്കാന്‍. കയ്യില്‍ ചെറിയ ഇര കൂടി ഉണ്ടെങ്കില്‍ സംഗതി ഉഷാറാകും.
റോബര്‍ട്ട് മീന്‍ പിടിക്കുന്ന വീഡിയോ മേയ് 18-നാണ് യൂട്യൂബില്‍ പോസ്റ്റ് ചെയ്തത്. കയ്യില്‍ കരുതിയ ചെറിയ മീന്‍ ജലാശയത്തിലെ വെള്ളത്തില്‍ മുക്കിപ്പിടിച്ചാണ് റോബര്‍ട്ട് മീന്‍ പിടിക്കുന്നത്. കുറച്ചുനേരം കൈ വെള്ളത്തില്‍ ഇട്ട് ചലിപ്പിച്ചപ്പോള്‍ ഒരു കറിക്കുള്ള മീന്‍ റോബര്‍ട്ടിന്റെ കയ്യിലായി.
https://www.facebook.com/Malayalivartha
