കുട്ടിയാന വാതില്‍ തകര്‍ത്ത് വീട്ടിനുള്ളില്‍ കയറി
കാട്ടാനക്കൂട്ടി വാതില്‍ തകര്‍ത്ത് വീടിനുള്ളിലേക്ക് കയറിയപ്പോള്‍ ഉറങ്ങികിടക്കയായിരുന്ന യുവതിയും കുട്ടികളും പിറകിലൂടെ ഓടി രക്ഷപ്പെട്ടു. നെലാക്കോട്ടയിലെ മേഫീല്‍ഡ് അവുണ്ടേലിലെ എസ്‌റ്റേറ്റ് പാടിയിലെ റഹ്മത്തിന്റെ വീട്ടിലാണ് ആനക്കുട്ടി കയറിയത്.
മുന്‍വശത്തെ വാതില്‍ തകര്‍ക്കുന്ന ശബ്ദം കേട്ടപ്പോഴേക്കും യുവതി മൂന്നു കുട്ടികളെയും കൂട്ടി പിന്‍വാതിലിലൂടെ രക്ഷപ്പെടുകയായിരുന്നു. കാട്ടാനക്കുട്ടി ഇതുവരെ പത്തോളം വീടുകളുടെ വാതില്‍ തകര്‍ത്തതായി തൊഴിലാളികള് പറഞ്ഞു.
കഴിഞ്ഞ കുറെദിവസങ്ങളായി പ്രദേശത്ത് കാട്ടാനകള്‍ വരുന്നത് പതിവാണന്നും അവര്‍ പറഞ്ഞു. ആനകള്‍ വരുന്നത് തടയാന്‍ കിടങ്ങ് കീറിയിട്ടും ഫലമില്ലെന്നാണ് തൊഴിലാളികളുടെ പരാതി.
അവുണ്ടേല്‍ ഭാഗത്ത് പാടികളിലും മറ്റുമായി 80-ലേറെ കുടുംബങ്ങള്‍ താമസിക്കുന്നു. വനപാലകര്‍ ശക്തമായ പ്രതിരോധ നടപടികള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.
https://www.facebook.com/Malayalivartha
