പാലത്തിന്റെ കമ്പികളില്‍ തൂങ്ങിയാടുന്ന സാഹസികതയ്ക്ക് ശ്രമിച്ച യുവാവിന് ദാരുണാന്ത്യം. സംഭവത്തിന്റെ ഞെട്ടിക്കുന്ന വീഡിയോ ദൃശ്യങ്ങള്‍ പുറത്ത് വന്നിട്ടുണ്ട്. കിയെവിലാണ് ഈ സംഭവം നടന്നത്.

ഉയരമുള്ള പാലത്തിന്റെ കമ്പികളില്‍ കയറി തൂങ്ങിയുള്ള അഭ്യാസപ്രകടനം നടത്താനാണ് യുവാവ് ശ്രമിച്ചത്. ഫോണില്‍ ചിത്രീകരിച്ച ദൃശ്യങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്. ഒറ്റക്കൈയ്യിലാണ് യുവാവ് തൂങ്ങിയാടുന്നത്.

ഒറ്റക്കൈയ്യില്‍ തൂങ്ങിയാടിയപ്പോള്‍ കൈയ്യുടെ പിടിത്തം നഷ്ടപ്പെട്ട് താഴേക്ക് വീഴുകയായിരുന്നു. പാലത്തിന് മുകളില്‍ കയറിയുള്ള അഭ്യാസത്തിനായിരുന്നു യുവാവ് ലക്ഷ്യമിട്ടിരുന്നതെന്നാണ് റിപ്പോര്‍ട്ട്. യുവാവിന് അധികം പ്രായമില്ലെന്ന് കരുതപ്പെടുന്നു.

ഈ നല്ല പ്രായത്തില്‍ പഠിക്കുന്നതിന് പകരം കുടുംബത്തെ കണ്ണീരിലാഴ്ത്തുന്ന ഇത്തരം സാഹസികതകള്‍ ആരും ചെയ്യരുതെന്നാണ് സോഷ്യല്‍ മീഡിയയിലെ ഒരാള്‍ പ്രതികരിച്ചത്. നല്ലൊരു ജീവിതം സ്വയം നശിപ്പിച്ചു കളഞ്ഞുവെന്നായിരുന്നു മറ്റൊരാളുടെ പ്രതികരണം.