വീല്‍ച്ചെയറുമായി റോഡ് മുറിച്ചുകടക്കാന്‍ വേണ്ടി ട്രാഫിക്കില്‍ നിന്ന് സ്ത്രീയെ സുരക്ഷിതമാക്കിയ ഡ്രൈവറുടെ വീഡിയോ വൈറല്‍
വീല്‍ചെയര്‍ ഉന്തിക്കൊണ്ട് റോഡ് മുറിച്ചുകടന്ന പ്രായമുള്ള ഒരു സ്ത്രീ അപകടത്തില്‍ പെടാതിരിക്കാന്‍ സംരക്ഷണകവചം തീര്‍ത്ത കാര്‍ ഡ്രൈവറുടെ വീഡിയോ സമൂഹ മാധ്യമങ്ങളില്‍ വൈറലായി.
ചൈനയിലെ പീപ്പിള്‍സ് ഡെയ്‌ലിയുടെ ഫെയ്‌സ് ബുക്ക് പേജിലാണ് വീഡിയോ പോസ്റ്റുചെയ്തിരുന്നത്. ഷാന്‍ഡോങ് പ്രവിശ്യയിലെ ലെയ്‌സോവിലുള്ള സുരക്ഷാ ക്യാമറയില്‍ പതിഞ്ഞ ദൃശ്യങ്ങളാണ് ഇതെന്ന് പീപ്പിള്‍സ് ഡെയ്‌ലി അറിയിച്ചു.
വീതി ഏറെയുള്ള റോഡിലെ സീബ്രാ ക്രോസിങ്ങിലൂടെ പ്രായമേറിയ സ്ത്രീ വീല്‍ ചെയര്‍ ഉന്തി നീങ്ങുന്ന ദൃശ്യങ്ങളാണ് വീഡിയോയിലുള്ളത്. സ്ത്രീ റോഡിന്റെ മധ്യഭാഗത്ത് എത്തിയതോടെ പച്ച സിഗ്‌നല്‍ തെളിഞ്ഞു.
സിഗ്‌നല്‍കാത്ത് നിര്‍ത്തിയിട്ടിരുന്ന വാഹനങ്ങള്‍ കുതിച്ചുപാഞ്ഞെത്തി. ഈ സമയം ഒരു കടുംചുമപ്പ് കാറോടിച്ച് എത്തിയ ആള്‍ കാര്‍ നിര്‍ത്തിയെന്ന് മാത്രമല്ല മറ്റുകാറുകള്‍ സ്ത്രീയെ ഇടിച്ച് തെറിപ്പിക്കാതിരിക്കാന്‍ സംരക്ഷണ കവചം തീര്‍ക്കുകയും ചെയ്തു.
പിന്നാലെയെത്തിയ കാര്‍ തന്നെ മറികടന്ന് കുതിച്ചുപായാന്‍ ശ്രമിച്ചുവെങ്കിലും ഡ്രൈവര്‍ അനുവദിച്ചില്ല. ഡ്രൈവറെ അഭിനന്ദിച്ചുകൊണ്ട് നിരവധി പേരാണ് കമന്റ് ചെയ്തിട്ടുള്ളത്.
https://www.facebook.com/Malayalivartha
