കൂട്ടയോട്ടത്തിനിടെ ഒരു കരടി ആളുകളുടെ ഇടയിലേക്ക് പാഞ്ഞെത്തുന്ന ചിത്രങ്ങള്‍ വൈറലാകുന്നു. സംഭവം നടന്നത് അമേരിക്കയിലെ കൊളറാഡോയിലാണ്.

കുറേയധികം ആളുകള്‍ റോഡിലൂടെ ഓടുമ്പോള്‍ ഒരു കരടി റോഡു മുറിച്ചുകടക്കാന്‍ എത്തുകയായിരുന്നു. എന്നാല്‍ ആള്‍ക്കൂട്ടം കണ്ട് പകച്ചു പോയ കരടി എന്തു ചെയണമെന്നറിയാതെ ആള്‍ക്കുട്ടത്തിനിടയിലൂടെ ഓടി.

പെട്ടെന്നു കരടിയെ മുന്നില്‍ കണ്ട ആളുകളും പേടിച്ചു പോയിരുന്നു. ഓട്ടത്തില്‍ പങ്കെടുത്തുകൊണ്ടിരുന്ന ഒരാള്‍ പകര്‍ത്തിയ ചിത്രങ്ങള്‍ ഫേസ്ബുക്കില്‍ പോസ്റ്റ് ചെയ്തതിനെ തുടര്‍ന്ന് വൈറലാകുകയായിരുന്നു.