വയസ് 78 ആയി എങ്കിലും കഠിനാധ്വാനത്തിനൊന്നും യാതൊരു കുറവും ഇല്ല. അതും ചില്ലറ അധ്വാനമൊന്നുമല്ല കേട്ടോ..

ദിവസവും ഷോപ്പിങ്ങിനു വേണ്ടി ഒരു നദിയുടെ കുറുകെ വടത്തില്‍ കപ്പിയും തൊട്ടിയും ഉപയോഗിച്ച് ഊര്‍ന്ന് പോകുകയാണ് ഇവര്‍. യുക്രെയിനിലേയ്ക്കാണ് ഈ സ്ത്രീ നദിക്കു കുറുകെ പോകുന്നത്. ദിവസവും ഇവര്‍ ഈ പ്രവര്‍ത്തി ആവര്‍ത്തിക്കുകയും ചെയ്യുന്നു.

റികാനദിയ്ക്കപ്പുറമാണ് കടകളും ചന്തയുമൊക്കയുള്ളത്. വീട്ടാവശ്യത്തിനുള്ള എല്ലാ സാധനങ്ങളും അക്കരെ പോയി വാങ്ങണം. 50 വര്‍ഷത്തിനു മുമ്പ് അവരുടെ ഭര്‍ത്താവാണ് ഈ കപ്പിയും കയറും നിര്‍മ്മിച്ച് നദിയ്ക്കു കുറുകെ സ്ഥാപിച്ചത്.

അതു ചലിപ്പിക്കാന്‍ നല്ല ശക്തി ഉപയോഗിക്കണം. എങ്കിലും അടുത്ത ഗ്രാമത്തിലുള്ള ചന്തയിലെത്താന്‍ ഈ 78 വയസ്സുകാരിയ്ക്കും ഇതു തന്നെയാണ് ഏറ്റവും എളുപ്പമുള്ള വഴി.