ചത്ത പാമ്പ് നൂഡില്‍സില്‍!
ചൈനയില്‍ ഒരു യുവതി തനിക്കു കഴിക്കാനായി വാങ്ങിയ നൂഡില്‍സില്‍ ചത്ത പാമ്പ്. സ്‌നാക്ക് സ്റ്റാളില്‍ നിന്ന് യുവതി ഒരു ബൗള്‍ നൂഡില്‍സാണ് വാങ്ങിയത്.
കഴിക്കാനാരംഭിച്ചപ്പോഴാണ് നൂഡില്‍സില്‍ എന്തോ കിടക്കുന്നതായി യുവതിക്ക് തോന്നിയത്. തുടര്‍ന്ന് പാമ്പിനെ കാണുകയായിരുന്നു.
നൂഡില്‍സില്‍ പാമ്പ് കിടക്കുന്ന ചിത്രം യുവതി തന്റെ ഫോണില്‍ പകര്‍ത്തി. തുടര്‍ന്ന് നൂഡില്‍സ് ടോയ്‌ലെറ്റില്‍ ഇട്ട് ഫഌ് ചെയ്തു കളഞ്ഞു.
യുവതി പകര്‍ത്തിയ ഫോട്ടോ അവര്‍ ഉടന്‍ തന്നെ തന്റെ സോഷ്യല്‍ മീഡിയ അക്കൗണ്ടില്‍ പോസ്റ്റ് ചെയ്തു. സംഭവം സോഷ്യല്‍ മീഡിയയില്‍ വൈറലായതോടെ സ്‌നാക് സ്റ്റാള്‍ അടപ്പിക്കുന്നതിലേക്ക് കാര്യങ്ങള്‍ നീങ്ങി.
തുടര്‍ന്ന് ആരോഗ്യ പരിശോധന അധികൃതര്‍ സ്‌നാക് സ്റ്റാളില്‍ എത്തുകയും പരിശോധന നടത്തുകയും ചെയ്തു. സ്‌നാക് സ്റ്റാളില്‍ സൂക്ഷിച്ചിരിക്കുന്ന ഭക്ഷണങ്ങള്‍ക്ക് വൃത്തിയില്ലെന്ന് കണ്ടെത്തിയതോടെ താല്ക്കാലികമായി ഇവിടം അടപ്പിച്ചിരിക്കുകയാണ്.
https://www.facebook.com/Malayalivartha
