ആസാമില്‍ ഒരു ഹെര്‍ബല്‍ പാര്‍ക്കിന്റെ ഭിത്തി തകര്‍ത്ത് ആനകള്‍ രക്ഷപ്പെടുന്ന വീഡിയോ പുറത്ത്. തുടര്‍ന്ന് ഭയപ്പെട്ട ജീവനക്കാര്‍ കല്ലുകളും കമ്പുകളും കൊണ്ട് ആനയെ പിന്‍തുടരുന്നത്് കാണാം.

സോനിത്പൂരിലെ പതഞ്ജലി ഹെര്‍ബല്‍ ആന്‍ഡ് ഫുഡ് പാര്‍ക്കില്‍ ജൂണ്‍ 18-നാണ് ആനകള്‍ ഭിത്തി തകര്‍ത്ത സംഭവം നടന്നത്.

മൂന്ന് ആനകള്‍ ചേര്‍ന്നാണ് ഭിത്തി തകര്‍ത്തത്.അതിഭയങ്കര ശബ്ദം കേട്ട് ജീവനക്കാര്‍ വന്നപ്പോഴാണ് ആനകള്‍ മതില്‍ തകര്‍ക്കുന്നത് കണ്ടത്.

ഭക്ഷണം തേടിയാണ് അടുത്തുള്ള വന്യജീവിസങ്കേതത്തില്‍ നിന്നും ആനകള്‍ ഇവിടെ എത്തിയതെന്നാണ് റിപ്പോര്‍ട്ട്. ഗ്രാമത്തിലെ രണ്ട് പേരെ ആനകള്‍ കൊലപ്പെടുത്തിയതായും റിപ്പോര്‍ട്ടുണ്ട്.