ഇയാള്‍ പബ്ബിലേക്കെന്നുറപ്പിച്ചായിരുന്നെന്ന് തോന്നുന്നു വീട്ടില്‍ നിന്ന് ഇറങ്ങിയത്. കാരണം ഒരു വലിയ അപകടത്തിന് പോലും അയാളെ തടുക്കാനായില്ല. ഇംഗ്ലണ്ടിലെ റീഡിങ് എന്ന സ്ഥലത്താണ് ഈ അത്ഭുതപ്പെടുത്തുന്ന സംഭവം നടന്നത്.

സൈമണ്‍ സ്മിത്ത് എന്ന യുവാവ് റീഡിങ്ങിലെ ഒരു റോഡ് മുറിച്ച് കടക്കുകയായിരുന്നു. പെട്ടന്നതാ ഒരു പബ്ലിക് ട്രാന്‍സ്‌പോര്‍ട്ട് ബസ്സ് നിയന്ത്രണം വിട്ട് സൈമണെ വന്നിടിക്കുകയും സൈമണ്‍ റോഡിന് വശത്തേക്ക് തെറിച്ച് വീഴുകയും ചെയ്തു. അത്ഭുതമെന്ന് പറയട്ടെ ഒരു കൂസലുമില്ലാതെ സൈമണ്‍ എഴുന്നേറ്റ് തൊട്ടടുത്തുള്ള പബ്ബിലേക്ക് കയറിപ്പോയി. ഒരു പോറല്‍ പോലും അയാളുടെ ശരീരത്ത് ഉണ്ടായില്ല എന്നുള്ളത് മറ്റൊരു വസ്തുത.