പാക്കിസ്ഥാനിലെ കറാച്ചിയിലാണ് സംഭവം. തന്റെ പെറ്റായ സിംഹക്കുട്ടിയെയും കൊണ്ട് തുറന്ന വാഹനത്തില്‍ നഗരം ചുറ്റാനിറങ്ങിയ യുവാവിനെ പോലീസ് കൈയ്യോടെ പൊക്കി! ബിസ്സിനസ്സുകാരനായ സഖ്‌ലൈന്‍ ജാവേദിനെയാണ് പോലീസ് അറസ്റ്റ് ചെയ്തത്.

തുറന്ന ട്രക്കിനുള്ളില്‍ കഴുത്തില്‍ ബെല്‍റ്റ് അണിഞ്ഞിരിക്കുന്ന സിംഹത്തെ പിടിച്ച് കൊണ്ടിരിക്കുന്നത് വീഡിയോയില്‍ കാണാം. വന്യമൃഗങ്ങളെ വീട്ടില്‍ വളര്‍ത്തുന്നത് പാക്കിസ്ഥാനില്‍ കുറ്റകരമാണ്.ഒരു പബ്ലിക് മാര്‍ക്കറ്റിന് അരികിലൂടെയാണ് ഇയാള്‍ സിംഹത്തെയും കൊണ്ട് പോയത്. ആളുകളുടെ ജീവനും സ്വത്തിനും അപകടഭീഷണി വരുത്തി വെച്ചു എന്ന നിലയ്ക്കാണ് ഇയാളെ പോലീസ് അറസ്റ്റ് ചെയ്തത്. പിന്നീട് ഇയാളെ ജാമ്യത്തില്‍ വിട്ടയച്ചു.