ചൈനയിലെ യുന്നാന്‍ പ്രവിശ്യയിലുള്ള റുയിലി നഗരത്തിലെ ഒരു കടയിലെത്തിയതാണ് വിനോദസഞ്ചാരത്തിനെത്തിയ ഒരു യുവതി. കടയിലെത്തിയ യുവതി മനോഹരമായ ഒരു വളയെടുത്ത് നോക്കുകയായിരുന്നു.

പെട്ടെന്ന് വള കൈയില്‍ നിന്ന് വീണ് പൊട്ടിപ്പോയി. വളയുടെ വില നഷ്ട പരിഹാരമായി നല്‍കാന്‍ തയ്യാറായി യുവതി കടയുടമയുടെ അടുത്തെത്തി. കടയുടമ വളയുടെ വിലയും പറഞ്ഞു.

വളയുടെ വില കേട്ട് യുവതിയുടെ ബോധം പോയി. ജേഡ് എന്ന വിലപിടിപ്പുള്ള പച്ചനിറത്തിലുള്ള കല്ല് കൊണ്ടുണ്ടാക്കിയ വളയായിരുന്നു അത്. ബോധം പോകാന്‍ മാത്രം ആ വളയുടെ വില എത്രയാണെന്നല്ലേ?? 28ലക്ഷം രൂപ. കൃത്യമായി പറഞ്ഞാല്‍ 2843529രൂപ.

യുവതിയുടെ സാമ്പത്തിക നില അറിഞ്ഞ കടയുടമ ഇത് 6,65,607 രൂപയാക്കി കുറച്ച് നല്‍കിയിട്ടുണ്ട്. യുവതിയുടെ വീട്ടുകാര്‍ പിന്നേയും വിലപേശി നോക്കിയെങ്കിലും വില അതിലും താഴ്ത്താന്‍ കടയുടമ തയ്യാറായില്ല.