ഒരു യുവതിയുടെ വീട്ടില്‍ കടന്ന ഉഗ്രവിഷമുള്ള പാമ്പ് പരത്തിയ ഭീതി കുറച്ചൊന്നുമല്ല. മുറിയിലെ ഫര്‍ണിച്ചറിന്റെ അടിയില്‍ ഒളിച്ച പാമ്പിനെ പുറത്തെടുക്കാന്‍ വിദഗ്ധനായ ഒരു പാമ്പുപിടുത്തക്കാരനെ തന്നെ അവര്‍ വിളിച്ചുവരുത്തി.

അയാള്‍ എത്തി വളരെ അതിസാഹസികമായാണ് പാമ്പിനെ പുറത്തെടുത്തത്. ആഫ്രിക്കന്‍ വനാന്തരങ്ങളില്‍ കാണുന്ന ബ്ലാക്ക് മാംബാസ് എന്ന ഇനത്തില്‍ പെട്ട പാമ്പിനെയാണ് പിടികൂടിയത്. ലോകത്തെ ഏറ്റവും കൊടിയ വിഷമുള്ള പാമ്പിനങ്ങളില്‍ ഒന്നാണിത്.

നാഷണല്‍ ജ്യോഗ്രാഫിക് ഷോയിലെ വീഡിയോ ആണ് ഇപ്പോള്‍ പുറത്തുവന്നിരിക്കുന്നത്. ടിവി സ്റ്റാന്‍ഡിനു കീഴില്‍ ഒളിച്ച പാമ്പിനെ വടികൊണ്ട് വലിച്ച് പുറത്താക്കി. ഇയാള്‍ക്കു നേരെ പാമ്പ് ചീറ്റുന്നുമുണ്ട്. വായ്തുറന്ന് നില്‍ക്കുന്ന ചിത്രം കണ്ടാല്‍ തന്നെ ഭയന്നുപോകും.

പോരാടാന്‍ മെനക്കെടാതെ ഒളിക്കാന്‍ ശ്രമിച്ച പാമ്പിനെ പാമ്പുപിടുത്തക്കാരന്‍ വിദഗ്ധമായി കയ്യിലെടുത്തു. വെറുകയ്യോടെ അവന്റെ തലയിലും പിടുത്തമിട്ടു.