കംഗാരുവും നായയും തമ്മിലുള്ള കൗതുകകരമായ പോരാട്ടം (വീഡിയോ)
കംഗാരുവും ജര്‍മ്മന്‍ ഷെപ്പേര്‍ഡ് ഇനത്തില്‍പ്പെട്ട നായയും തമ്മിലുള്ള രസകരമായ പോരാട്ടമാണ് ഇപ്പോള്‍ സോഷ്യല്‍മീഡിയയില്‍ ചര്‍ച്ചയാകുന്നത്.
ഓസ്‌ട്രേലിയയിലെ ന്യൂ സൗത്ത്‌വേല്‍സിലാണ് കൗതുകകരമായ ഈ സംഭവം നടന്നത്. ഇതുവഴി വാഹനത്തില്‍ വരിക യായിരുന്ന ആന്റണി ഹാര്‍ട്ട്‌ലി എന്ന ആളായിരുന്നു രസകരമായ ഈ ദൃശ്യങ്ങള്‍ മൊബൈലില്‍ പകര്‍ത്തിയത്.
ഇവര്‍ തമ്മിലുള്ള പോര് ഏകദേശം 20 മിനിട്ടോളം നീണ്ടു നിന്നു. രണ്ടു പേരും വഴക്കില്‍ നിന്നു പിന്മാറാന്‍ തയാറല്ലായിരുന്നു. കംഗാരു നായയെ ചാടി ആക്രമിക്കുന്നതും നായ പിന്നാലേ കുരച്ചുകൊണ്ടു പ്രകോപിപ്പിക്കുന്നതും ദൃശ്യങ്ങളില്‍ കാണാം.
20 മിനിട്ടോളം തുടര്‍ന്ന പോരാട്ടം ഇതുവഴിയെത്തിയ ഒരു പൊലീസുകാരന്‍ ഒരു വടിയെടുത്ത് ഇരുവരെയും തുരത്തുന്നതുവരെ തുടര്‍ന്നു.
പരസ്പരം മിനിട്ടുകളോളം പോരാടിയെങ്കിലും ഇരുവര്‍ക്കും പരിക്കൊന്നുമില്ലെന്നുള്ളതാണ് ആശ്വാസകരമായ കാര്യം. യൂട്യൂബില്‍ പോസ്റ്റ് ചെയ്ത ഈ വീഡിയൊ ഇപ്പോള്‍ തന്നെ രണ്ട് ലക്ഷത്തിലധികം ആളുകള്‍ കണ്ടു കഴിഞ്ഞു.
https://www.facebook.com/Malayalivartha
