മണ്ണിനടിയിലിലെ മാളത്തില്‍ ഒളിച്ചിരുന്ന കൂറ്റന്‍ ഞണ്ടിനെ ഓസ്‌ട്രേലിയയിലെ ക്വീന്‍സ്‌ലന്‍ഡില്‍ നിന്നാണ് പുറത്തെടുത്തത്. ക്വീന്‍സ്‌ലന്‍ഡ് നിവാസിയും സാഹസികനുമായ ബ്യൂ ഗ്രീവ്‌സാണ് വലിയ ഞണ്ടിരുന്ന മാളത്തില്‍ തുരന്നിറങ്ങി ഭീമന്‍ ഞണ്ടിനെ പുറത്തെടുത്തത്.

ഒരു ചെറിയ കമ്പുപയോഗിച്ച് മുകള്‍ ഭാഗത്തെ മണ്ണു മാറ്റിയ ശേഷമാണ് ബ്യൂ മാളത്തിലേക്കിറങ്ങിയത്. ബ്യൂവിന്റെ ശരീരം മുക്കാല്‍ ഭാഗത്തോളം മാളത്തിനുള്ളില്‍ കടത്തേണ്ടി വന്നു ഭീമന്‍ ഞണ്ടിനെ ഒന്നു പിടിയ്ക്കാന്‍.

മാളത്തിനുള്ളിലിരിക്കുന്ന ഞണ്ടിനെ എങ്ങനെ പിടിക്കണമെന്ന മാര്‍ഗനിര്‍ദ്ദേശവും വീഡിയോയിലൂടെ ബ്യൂ നല്‍കുന്നുണ്ട്. എന്തായാലും ഭീമന്‍ ഞണ്ടിനെ പിടിച്ച ബ്യൂവാണ് ഇപ്പോള്‍ സമൂഹമാധ്യമങ്ങളിലെ താരം. ജൂണ്‍ 26-ന് പോസ്റ്റ് ചെയ്ത വീഡിയോ ഇപ്പോള്‍ തന്നെ 11 ലക്ഷത്തിലധികം ആളുകള്‍ കണ്ടു കഴിഞ്ഞു.