മില്യണയര്‍ ദമ്പതികളായ ഡെബിയും ബോബ് ക്ലാര്‍ക്കും നാല് ലക്ഷം രൂപ മുടക്കി രണ്ട് നായകളുടെ വിവാഹം നടത്തിയിരിക്കുകയാണ്. കെന്റിലാണീ അപൂവ നായവിവാഹം നടന്നത്. ഹണി, ജോയ് എന്നിങ്ങനെയാണ് നായ ദമ്പതികളുടെ പേരുകള്‍.

ഡയമണ്ടില്‍ തീര്‍ത്ത കോളറില്‍ ഇരുവരും വിവാഹിതരാവുകയും ചെയ്തു. വെഡിങ് ഡ്രെസ് ഡെബി ചൈനയില്‍ നിന്നും ഓര്‍ഡര്‍ ചെയ്ത് വരുത്തുകയായിരുന്നു. ഇതിന് 10 പൗണ്ടാണ് ചെലവായിരിക്കുന്നത്. തുടര്‍ന്ന് ഇതില്‍ വെയിലും ഡയാമാറ്റ്‌സും ചേര്‍ത്ത് കസ്റ്റമൈസ് ചെയ്തിരുന്നു.

ഹണിയും അവളുടെ ഭര്‍ത്താവ് ജോയും റിമോട്ട് കണ്‍ട്രോള്‍ കാറിലായിരുന്നു പ്രൗഢിയോടെ വിവാഹത്തിന് ശേഷം സ്റ്റുഡിയോയില്‍ വന്നിറങ്ങിയത്. തങ്ങള്‍ ഈ അസാധാരണമായ വിവാഹം നടത്തിയതിനെക്കുറിച്ച് മറ്റുള്ളവര്‍ എന്ത് ചിന്തിക്കുന്നുവെന്നത് താന്‍ കണക്കാക്കുന്നില്ലെന്നാണ് ഡെബി വ്യക്തമാക്കുന്നത്.

ടില്ലി, പോപ്പി, പെഗി, ടോമി, ടെഡി, റെഗി, റോണി, ഫ്രാഗിള്‍, പോപ്പറ്റ്, സ്‌പോട്ട്, ഫ്രിഡ എന്നീ പേരുകളിലുള്ള അവരുടെ മറ്റ് നായകളും ചടങ്ങില്‍ താരങ്ങളായിരുന്നു. തന്നെ പോലെ തന്റെ ഭര്‍ത്താവായ ബോബും തികഞ്ഞ നായ പ്രേമിയായതിനാലാണ് തനിക്കീ വിവാഹം നടത്താന്‍ സാധിച്ചതെന്നും ഡെബി പറയുന്നു.

കെന്റില്‍ തങ്ങളുടെ ഉടമസ്ഥതയയില്‍ ഉള്ള നാലേക്കര്‍ കെന്റ് എസ്‌റ്റേറ്റില്‍ ഇവര്‍ക്ക് 13 നായകളാണുള്ളത്. ചൈല്‍ഡ് മോഡലിങ് ഏജന്‍സിയായ ബിസികിഡ്‌സിന്റെ സ്ഥാപകയാണ് 52 വയസുള്ള ഡെബി ക്ലാര്‍ക്ക്, 70 വയസുള്ള ബോബ് ക്ലാര്‍ക്കാകട്ടെ റിട്ടയേര്‍ പ്രഫഷണല്‍ പോക്കര്‍ പ്ലേയറാണ്.

നായവിവാഹ ചടങ്ങില്‍ ഇവരുടെ മറ്റ് നായകള്‍ െ്രെബഡ്‌സ് മെയ്ഡുകളായും അകമ്പടി സേവകരായും എത്തി. ഇതിന് പുറമെ 60 മനുഷ്യ അതിഥികളും ചടങ്ങില്‍ പങ്കെടുത്ത് വധൂവരന്മാരെ അനുഗ്രഹിക്കാനെത്തിയിരുന്നു.