സര്‍ക്കസിനിടയിലും മറ്റും വായില്‍ മണ്ണെണ്ണയൊഴിച്ച് തീ തുപ്പുന്നത് സാഹസവും അതിനുപരി അപകടകരവുമാണ്. അത്തരത്തിലൊരു ദൃശ്യം ഇപ്പോള്‍ സോഷ്യല്‍ മീഡിയയില്‍ പ്രചരിക്കുകയാണ്.

റഷ്യയിലെ കെമോറോവൊ ഒബ്ലാസ്റ്റില്‍ നടന്ന ഒരു ആഘോഷത്തിനിടെയാണ് കാണികളെ അമ്പരപ്പിച്ച സംഭവം അരങ്ങേറിയത്.

നൂറുകണക്കിനാളുകള്‍ കാഴ്ചക്കാരായി നോക്കി നില്‍ക്കെ ഒരാള്‍ വായില്‍ ദ്രാവകം ഒഴിച്ചതിനു ശേഷം തീതുപ്പുകയായിരുന്നു.

ഒന്നുരണ്ടു തവണ ഇത്തരത്തില്‍ ചെയ്ത ഇയാളുടെ മുഖത്തേക്ക് പെട്ടെന്ന് തീപടര്‍ന്ന് പിടിക്കുകയായിരുന്നു. പൊള്ളലിന്റെ വേദനയില്‍ ഇദ്ദേഹം പുളയുന്നത് ദൃശ്യങ്ങളില്‍ വ്യക്തമാണ്.

കാണികളില്‍ ചിലര്‍ ഇദ്ദേഹത്തെ രക്ഷിക്കാനായി ഓടിയെത്തുന്നതും വീഡിയോയില്‍ കാണാം. ഈ ഷോയ്ക്കിടെ ഇതിനു മുമ്പ് രണ്ടു പേര്‍ക്ക് പരിക്കേറ്റിരുന്നു. കാണികള്‍ തന്നെയാണ് ഈ ദൃശ്യങ്ങള്‍ പകര്‍ത്തിയത്.