ഒടിഞ്ഞു തൂങ്ങിയ കാലുമായി കാട്ടാന റോഡ് മുറിച്ചു കടക്കുന്ന രംഗങ്ങള്‍ സോഷ്യല്‍ മീഡിയയില്‍ ചലനങ്ങളുണ്ടാക്കുന്നു.

കര്‍ണാടകയിലെ വനത്തിനുള്ളില്‍ നിന്നുമാണ് ഈ രംഗങ്ങള്‍ ചിത്രീകരിച്ചിരിക്കുന്നത്. മുമ്പിലെ ഇടതുകാലാണ് ഗുരുതരമായി ഒടിഞ്ഞത്. പ്രദേശവാസികളാണ് ഈ ദൃശ്യങ്ങള്‍ പകര്‍ത്തിയത്.

ഇവര്‍ അറിയിച്ചതിനെ തുടര്‍ന്ന് വനപാലകര്‍ പ്രദേശത്ത് എത്തിയിരുന്നു. ഈ ആനയെ കണ്ടെത്തി ചികിത്സിക്കാന്‍ ഒരു സംഘത്തെ അയച്ചിട്ടുണ്ടെന്നാണ് വനംവകുപ്പ് അറിയിക്കുന്നത്.

രണ്ടാഴ്ച മുമ്പ് ഗുരുതരമായി പരിക്കേറ്റതിനെ തുടര്‍ന്ന് ഈ പ്രദേശത്ത് ഒരു ആന ചരിഞ്ഞിരുന്നു. മാത്രമല്ല, ഷോക്കേറ്റതിനെ തുടര്‍ന്ന് ആറ് കാട്ടാനകള്‍ കൊല്ലപ്പെടുകയും ചെയ്തിരുന്നു.