സോഷ്യല്‍ മീഡിയയെ മുഴുവന്‍ ചിരിപ്പിച്ച് കൈയിലെടുത്തിരിക്കുകയാണ് രണ്ടു വയസുകാരനായ ഈ കുട്ടിയാനയൂടെ കുസൃതി.

കൊച്ചു കുട്ടികള്‍ മുകളില്‍ നിന്നും തെന്നി താഴേക്ക് ഇറങ്ങുന്നതിന് സമമായി ഈ കുട്ടിയാന ചെളിയില്‍ കൂടി തെന്നി താഴേക്ക് പായുന്നതാണ് ദൃശ്യങ്ങളില്‍ ഉള്ളത്.

ചൈനയിലെ യുനാന്‍ പ്രവിശ്യയിലുള്ള ഏഷ്യന്‍ എലിഫെന്റ് ബ്രീഡിംഗ് ആന്‍ഡ് റെസ്‌ക്യു സെന്ററിലാണ് രസകരമായ രംഗങ്ങള്‍ അരങ്ങേറിയത്.

യാംഗ് നിയു എന്ന ആനക്കുട്ടിയെ സംരക്ഷിക്കുന്ന ജീവനക്കാരിലൊരാളാണ് ഈ ദൃശ്യങ്ങള്‍ പകര്‍ത്തിയത്.

രണ്ടു വര്‍ഷങ്ങള്‍ക്കു മുമ്പാണ് സമീപമുള്ള ഗ്രാമവാസികളുടെ ആക്രമണത്തില്‍ പരിക്കേറ്റ നിലയില്‍ കുട്ടിയാനയെ കാട്ടില്‍ നിന്നും കണ്ടെത്തിയത്.

പരിക്കുകള്‍ ഭേദമായ കുട്ടിയാന ഇപ്പോള്‍ ഏറെ സന്തോഷവാനാണെന്നാണ് അധികൃതര്‍ പറയുന്നത്.