കാട്ടിലെ രാജാവ് നാട്ടില്‍ കിണറ്റില്‍!
ഗുജറാത്തിലെ ഗീര്‍ വനം സിംഹങ്ങളുടെ സംരക്ഷിതവനപ്രദേശമാണ്. അടുത്തിടെ ഗീര്‍ വനത്തില്‍ നിന്നും നാട്ടിന്‍ പുറത്തേക്ക് എത്തപ്പെട്ട ഒരു കുട്ടി സിംഹം വയലിലെ കിണറ്റിനുള്ളില്‍ വീണുപോയി. ഏകദേശം 80 അടിയോളം താഴ്ചയുള്ള കിണറ്റിലേക്കാണ് രണ്ട് വയസുകാരനായ കുട്ടി സിംഹം വീണത്.
കിണറ്റില്‍ വീഴുന്നത് അറിഞ്ഞ് ഗ്രാമീണര്‍ എത്തിയപ്പോഴേക്കും സിംഹം ഏറെ അവശനായിരുന്നു. എന്നിരുന്നാലും ഗ്രാമീണരിലാരോ സംസ്ഥാന വനം വകുപ്പ് അധികൃതരെ അറിയിക്കുകയും ചെയ്തു. ഉടന്‍ തന്നെ വനം വകുപ്പ് അധികൃതര്‍ അവിടെയെത്തുകയും സിംഹത്തിനെ പുറത്തെത്തിക്കാനുള്ള മാര്‍ഗങ്ങള്‍ സ്വീകരിക്കുകയുമായിരുന്നു.
എന്തായാലും വനം വകുപ്പ് അധികൃതരുടെ സമയോചിതമായ ഇടപെടല്‍ കുട്ടി സിംഹത്തെ ജീവിതത്തിലേക്ക് തിരികെ എത്തിച്ചുവെന്ന് വേണം പറയാന്‍. കുട്ടി സിംഹത്തെ പുറത്തെത്തിച്ചപ്പോഴും അവന്റെ ശൗര്യത്തിന് യാതൊരു കുറവും സംഭവിച്ചതായി തോന്നിയില്ല.
https://www.facebook.com/Malayalivartha
