ഒരേ ദിവസം കുട്ടികള്‍ക്ക് ജന്മം നല്‍കി കുടുംബത്തില്‍ ഇരട്ടി സന്തോഷം നല്‍കിയിരിക്കുകയാണ് ഈ സഹോദരിമാര്‍. ജസീക്ക ലാംപേര്‍ട്ട് (30) ക്രിസ്റ്റിന്‍ ക്രോണിന്‍ ( 34) ആണ് ഈ സഹോദരിമാര്‍. ഒരേ കാലത്ത് ഗര്‍ഭം ധരിക്കണമെന്നോ പ്രസവിയ്ക്കണമെന്നോ മുന്‍കൂട്ടി പദ്ധതി തയ്യാറാക്കിയിരിന്നില്ല ഇവര്‍.

''തങ്ങള്‍ രണ്ടാമത്തെ കുട്ടിയ്ക്കായി തയ്യാറെടുക്കുകയായിരുന്നു. ഞാന്‍ ഗര്‍ഭിണിയാണെന്ന് അറിഞ്ഞ് രണ്ട് ആഴ്ച കഴിഞ്ഞപ്പോള്‍ എന്റെ സഹോദരിയും ഗര്‍ഭിണിയാണെന്ന് അറിയുകയായിരുന്നു'' ജസീക്ക ലാംപേര്‍ട്ട് പറയുന്നു.

ഇവരുവരും ഗര്‍ഭം ധരിച്ചത് രണ്ടാഴ്ചത്തെ വ്യത്യാസത്തിലായിരുന്നുവെങ്കിലും ഡോക്ടര്‍മാര്‍ ഇരുവര്‍ക്കും ഒരേ ദിവസമാണ് പ്രസവത്തിനായി നല്‍കിയത്. അത് കണ്ട് ഇരുവരും ചിരിച്ചുവെന്നും പറയുന്നു. ഇവര്‍ക്ക് രണ്ട് പേര്‍ക്കും മൂന്ന് വയസ്സായ മറ്റോരോ കുഞ്ഞുങ്ങള്‍ കൂടിയുണ്ട്.

തങ്ങളുടെ ഗര്‍ഭാവസ്ഥ തങ്ങള്‍ ഒരുപാട് ആസ്വദിച്ചുവെന്നും ഇവര്‍ പറയുന്നു. ഇവരുടെ സഹോദരന്റെ ഭാര്യയും ഇവര്‍ ഗര്‍ഭം ധരിച്ച സമയത്ത് തന്നെയാണ് ഗര്‍ഭം ധരിച്ചതെന്നും, തങ്ങള്‍ പ്രസവിച്ച അതേ ദിവസം തന്നെയാണ് പ്രസവിച്ചതെന്നും ഈ സഹോദരിമാര്‍ പറയുന്നു.

അതുകൊണ്ട് അന്ന് തങ്ങളുടെ വീട്ടില്‍ ശരിക്കും മൂന്ന് കുട്ടികളാണ് ഒരേ ദിവസം ജനിച്ചതെന്നും ഈ സഹോദരിമാര്‍ പറയുന്നു. ലാംപേര്‍ട്ടിന് രണ്ടാമതും പെണ്‍കുട്ടിയും, ക്രോണിന് രണ്ടാമതും ആണ്‍കുട്ടിയുമാണ് ജനിച്ചത്. തങ്ങളുടെ ആദ്യത്തെ കുട്ടികളും സഹോദരങ്ങളെ പോലെ തന്നെ പരസ്പരം വളരെ സ്‌നേഹത്തിലാണെന്നും ഇവര്‍ പറയുന്നു.