പാര്‍ട്ടികളില്‍ സുഹൃത്തുക്കളോടൊപ്പം പങ്കെടുക്കുന്ന പലര്‍ക്കും കൂട്ടുകാര്‍ ഒപ്പിക്കുന്ന തമാശകള്‍ക്ക് ഇരയാകേണ്ടി വരാറുണ്ട്.യുകെയില്‍ ഒരു പാര്‍ട്ടിക്കിടയില്‍ നടന്ന രശകരമായ സംഭവമാണ് ഇപ്പോള്‍ വൈറലാകുന്നത്.

കുറേ പെണ്‍കുട്ടികള്‍ കൂടി നില്‍ക്കുന്നിടത്ത് ഒരു പെണ്‍കുട്ടി പ്ലെയ്റ്റില്‍ വെച്ചിരിക്കുന്ന ഒച്ചിനെ ചുംബിക്കാന്‍ ശ്രമിക്കുകയാണ്. മറ്റുള്ളവര്‍ ഇതിനെ പ്രോത്സാഹിപ്പിക്കുന്നുമുണ്ട്.

എന്നാല്‍ പെട്ടെന്ന് അവള്‍ ഒച്ചിനെ വെച്ചിരുന്ന പാത്രം മറിച്ച് ഒച്ചിനെ അവള്‍ക്കെതിരെ നിന്നിരുന്ന പെണ്‍കുട്ടിയുടെ ദേഹത്തേക്ക് തെറിപ്പിക്കുകയായിരുന്നു. അതവളുടെ നെറ്റിയില്‍ തന്നെ ചെന്നു പതിച്ചു.

അവള്‍ക്കാണെങ്കില്‍ ഒച്ചിനെ കാണുമ്പോള്‍ തന്നെ അസഹ്യത ഉള്ളതാണ്. അപ്പോള്‍ ഒച്ച് നെറ്റിയില്‍ വീണാലോ....പാര്‍ട്ടിയാണെന്നോ ആളുകള്‍ ഉണ്ടെന്നോ ആലോചിക്കാന്‍ നില്‍ക്കാതെ പരിസരം മറന്ന് അലറുന്ന പെണ്‍കുട്ടിയെയാണ് പിന്നീട് കാണുന്നത്.

പെണ്‍കുട്ടിയുടെ ബഹളവും അലര്‍ച്ചയും നിലവിളിയുമൊക്കെ ഇപ്പോള്‍ യുകെ സോഷ്യല്‍ മീഡിയയില്‍ വൈറലായിരിക്കുകയാണ്.