ഇന്‍സ്റ്റന്റ് ആകുന്ന തിരക്കിലാണ് സോഷ്യല്‍ മീഡിയകളും അതിലെ ഉപയോഗങ്ങളും. അത് എന്തും ആകട്ടെ, അതുകൊണ്ടുതന്നെ ഇപ്പോള്‍ ഫെയ്‌സ്ബുക്കിലും വാട്‌സ്ആപ്പിലുമൊക്കെ ഇമോജികള്‍ക്കുള്ള പ്രാധാന്യം പറയേണ്ട ആവശ്യമില്ലല്ലോ? അങ്ങനെയൊരു ഇമോജിയാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ച. ഒരു ഉമ്മ ഉണ്ടാക്കുന്ന വിശേഷങ്ങളാണ് വിഷയം. അതും നിറമുള്ള ഉമ്മ.

ഇപ്പോള്‍ താരം ഫെയ്‌സ്ബുക്കാണ്. ഇത്രയും നാള്‍ ഫെയ്‌സ്ബുക്ക് ഉപയോഗിക്കുന്നതുപോലെയല്ല ഇപ്പോള്‍, പുതിയ മാറ്റം കണ്ട് ചില ഫെയ്‌സ്ബുക്ക് പ്രേമികളുടെ കണ്ണു തള്ളിയിരിക്കുകയാണ്, മാത്രമല്ല അതിലേറെ ആകാംക്ഷയുമാണ്. ജീവിതത്തില്‍ ഉമ്മയ്ക്ക് വളരെയേറെ പ്രാധാന്യമുള്ളതുപോലെ തന്നെ ഫെയ്‌സ്ബുക്കിന്റെ കാര്യങ്ങളും ഉമ്മ വരെ എത്തി നില്‍ക്കുകയാണ്. അതും മലയാളികളുടെ ഉമ്മയാണെങ്കില്‍ പിന്നെ പറയാനുണ്ടോ?

അറിയാതെ ഫെയ്‌സ്ബുക്കിലെങ്ങാനും ഉമ്മയെന്നോ ഉമ്മയോട് ചേര്‍ന്നുള്ള മറ്റു വാക്കുകളോ മലയാളത്തില്‍ കമന്റ് ബോക്‌സില്‍ എഴുതിയാല്‍ ഉടന്‍ ചുവപ്പ് നിറത്തിലുള്ള ചില പ്രണയഹൃദയ ചിഹ്നങ്ങള്‍ പറന്നു വരുന്നത് കാണാം. ഫെയ്‌സ്ബുക്ക് പ്രേമികളെ ഞെട്ടിച്ചുകൊണ്ടാണ് ഈ നിറമുള്ള ഉമ്മയുടെ വരവ്.

ഫെയ്‌സ്ബുക്ക് പ്രേമികളിലെ ചിലര്‍ ഉമ്മയും ഉമ്മന്‍ ചാണ്ടി എന്നൊക്കെ എഴുതിയപ്പോഴാണ് ഇപ്പോഴത്തെ പുതിയ രീതികളെ കുറിച്ച് അറിയുന്നത്. ഈ സൂത്രം കണ്ടുപിടിച്ചതിന് ഫെയ്‌സ്ബുക്ക് പ്രേമികള്‍ സക്കര്‍ ബര്‍ഗിനോട് നന്ദി പറയുകയാണ്. സക്കര്‍ ബര്‍ഗ് നടത്തിയ ഉമ്മ സൂത്രം കണ്ട ഒരു ഫെയ്‌സ്ബുക്ക് പ്രേമി കുറിച്ചതിങ്ങനെ ഉമ്മകള്‍ എഴുതുമ്പൊ ചോപ്പ് ലവ്വ് പറക്കണ എന്തോ സൂത്രം സക്കറുമാമന്‍ കൊണ്ടുവന്നിട്ടുണ്ട്! ഫെയ്‌സ്ബുക്ക് പ്രേമികള്‍ക്ക് അല്ലെങ്കില്‍ പ്രണയിക്കുന്നവര്‍ക്ക് ഇതൊരു അനൂഭൂതിയാകുമെന്നതില്‍ യാതൊരു സംശയവുമില്ല.