പുതുമയുള്ള സംഭവമൊന്നുമല്ലെങ്കിലും, ചില സമയത്ത് ഒരു ചായ കുടിക്കുന്നതും വാര്‍ത്തയായേക്കാം. ഒരു യുവതി ചായ കുടിക്കാന്‍ തെരഞ്ഞെടുത്ത സ്ഥലം കണ്ട് ഞെട്ടിയിരിക്കുകയാണ് സോഷ്യല്‍ മീഡിയ.

കാരണം ഇവര്‍ തെരഞ്ഞെടുത്തത് പന്ത്രണ്ട് നിലകളുള്ള ഒരു കെട്ടിടത്തിന്റെ അഞ്ചാം നിലയിലുള്ള ജനാലയാണ്. അതും അമ്പത് അടി ഉയരത്തില്‍.

ജനാലയില്‍ കാലുകള്‍ രണ്ടും പുറത്തേക്കിട്ട് ഇവര്‍ ഇരിക്കുന്ന ദൃശ്യങ്ങള്‍ ഇപ്പോള്‍ നവമാധ്യമങ്ങളില്‍ വ്യാപകമായി പ്രചരിക്കുന്നുമുണ്ട്.

യുകെയിലെ ബെര്മിംഹാമിലാണ് പേടിപ്പെടുത്തുന്ന ഈ ദൃശ്യങ്ങള്‍ അരങ്ങേറിയത്. 15 മിനിട്ടോളം ഇവിടെയിരുന്ന് വിശ്രമിച്ചതിനു ശേഷമാണ് ഇവര്‍ മടങ്ങിയതും.