ജോലിയില്‍ ആത്മാര്‍ത്ഥത ഉണ്ടാകുന്നത് എല്ലാവരും പാലിക്കേണ്ട കാര്യമാണ്. ജോലി ചെയ്യുമ്പോള്‍ നമ്മളെ മറ്റ് ഒരു കാര്യങ്ങളും ബാധിക്കുന്നത് പോലും അറിയാതിരുന്നാലോ..? വാര്‍ത്ത റിപ്പോര്‍ട്ട് ചെയ്യുന്നതിനിടയില്‍ അവതാരകയ്ക്ക് സംഭവിച്ചതും ഇത്തരത്തില്‍ ഒരു കാര്യമാണ്. 

കെ.ഡി.എഫ്.ഡബ്‌ള്യു റിപ്പോര്‍ട്ടറായ ഷാനന്‍ മുറേ എന്ന യുവതി വാര്‍ത്ത റിപ്പോര്‍ട്ട് ചെയ്യുന്നതിനിടയില്‍ കൈയ്യില്‍ കൂടി ഒരു വലിയ ചിലന്തി കടന്നു പോയി. എന്നാല്‍ വാര്‍ത്തയുടെ പ്രാധാന്യത്തില്‍ റിപ്പോര്‍ട്ടര്‍ ഇതൊന്നും അറിഞ്ഞില്ല.

ന്യൂസ് ചാനലിലുള്ള മറ്റാരും തന്നെ ഇക്കാര്യം ശ്രദ്ധിച്ചിരുന്നില്ല. എന്നാല്‍ വാര്‍ത്ത ടെലികാസ്റ്റ് ചെയ്ത ശേഷം വാര്‍ത്ത കണ്ട ആളുകളാണ് സംഭവം സോഷ്യല്‍ മീഡിയയിലൂടെ സ്‌റ്റേഷനില്‍ അറിയിച്ചത്. തുടര്‍ന്ന് സ്‌റ്റേഷന്‍ വീണ്ടും ഈ വീഡിയോ പോസ്റ്റ് ചെയ്തു. തുടര്‍ന്ന് 300,000-ലധികം തവണയാണ് ആളുകള്‍ ഈ വീഡിയോ കണ്ടത്. 

തന്റെ ക്ഷേമം അന്വേഷിച്ചും നിരവധി പേര്‍ എത്തിയെന്നും റിപ്പോര്‍ട്ടര്‍ പറയുന്നു. സംഭവം താന്‍ അപ്പോള്‍ അറിഞ്ഞില്ലെന്നും, വീഡിയോ കണ്ടപ്പോഴാണ് മനസ്സിലായതെന്നും മുറേ പറയുന്നു.