നൂറ് കണക്കിന് ക്രിസ്മസ് അപ്പുപ്പന്മാര്‍ ജിംഗിള്‍ ബെല്‍ പാടി ഒത്ത് കൂടി!
ഡെന്മാര്‍ക്കിലെ ബേക്കന്‍ അമ്യൂസ്‌മെന്റ് പാര്‍ക്കില്‍ നടന്ന ലോക സാന്താക്ലോസ് കോണ്‍ഗ്രസ് ഏറെ കൗതുകമായി. ലോകത്തിന്റെ വിവിധ ഭാഗങ്ങളില്‍ നിന്നുമായി നൂറ് കണക്കിന് ക്രിസ്മസ് അപ്പുപ്പന്മാരാണ് ഇത്തവണ അമ്യൂസ്‌മെന്റ് പാര്‍ക്കില്‍ ഒത്തുകൂടിയത്.
ഈ വര്‍ഷത്തെ സാന്താക്ലോസ് സമ്മേളനം ഡെന്മാര്‍ക്കില്‍ ജൂലൈ 24 മുതല്‍ 27 വരെയാണ് നടന്നത്. യുറോപ്പ്, അമേരിക്ക, ഏഷ്യ എന്നിവിടങ്ങളില്‍ നിന്നുമായിട്ടാണ് ക്രിസ്മസ് അപ്പുപ്പന്മാര്‍ എത്തിയത്. ക്രിസ്മസ് രാവുകള്‍ക്ക് പകിട്ടേകുന്ന ഈ അപ്പുപ്പന്മാര്‍ ഏല്ലാ വര്‍ഷവും ഒത്തു കൂടാറുണ്ട്. 1957 മുതല്‍ ഇവരുടെ ഈ സമ്മേളനം നടക്കാറുണ്ട്.
ലോകത്തിന്റെ വ്യത്യസ്ത പ്രദേശങ്ങളില്‍ നിന്നും എത്തുന്ന സാന്താക്ലോസുകള്‍ക്ക് തങ്ങളുടെ പ്രവര്‍ത്തനങ്ങളെക്കുറിച്ചും, ആഘോഷ പരിപാടികളെക്കുറിച്ചും പരസ്പരം ആശയം കൈമാറാന്‍ സാധിക്കുമെന്നതാണ് ഈ സമ്മേളനത്തിന്റെ പ്രത്യേകത. ഏത് രാജ്യത്തു നിന്നുമുള്ള ക്രിസ്മസ് അപ്പുപ്പന്മാര്‍ക്കും ഈ സമ്മേളനത്തില്‍ പങ്കെടുക്കാ. എന്നാല്‍ മികച്ച രീതിയിലുള്ള സാന്താക്ലോസ് വേഷമണിഞ്ഞ് വേണം ഈ സമ്മേളനത്തില്‍ പങ്കെടുക്കണമെന്നതാണ് പ്രധാനമായിട്ടുള്ള നിബന്ധന. ഇതിനു പുറമെ ഒട്ടനവധി പരേഡുകളിലും സാന്താക്ലോസുകള്‍ പങ്കെടുക്കേണ്ടി വരും.
ഡെന്മാര്‍ക്ക്, സ്‌പെയിന്‍, നോര്‍വെ, പോളണ്ട്, ജപ്പാന്‍, ഫിന്‍ലന്‍ഡ്, ഗ്രീന്‍ ലാന്‍ഡ് തുടങ്ങി നിരവധി രാജ്യങ്ങളില്‍ നിന്നുമായി സാന്താക്ലോസുകള്‍ ഇത്തവണ എത്തിയിരുന്നു.
https://www.facebook.com/Malayalivartha
