കൂറ്റന്‍ മുതല നദിയിലൂടെ പശുവിനെ വലിച്ചുകൊണ്ടു പോകുന്നതിന്റെ ദൃശ്യങ്ങള്‍
നദിയിലൂടെ പശുവിനെ വലിച്ചുകൊണ്ടുപോകുന്ന കൂറ്റന്‍ മുതലയുടെ ദൃശ്യങ്ങള്‍ കൗതുകമാകുന്നു.
മീന്‍ പിടിക്കാനിറങ്ങിയ പ്രദേശവാസിയായ ജസ്റ്റിന്‍ ലോറിമര്‍ എന്ന യുവാവാണ് ഡ്രോണ്‍ ഉപയോഗിച്ച് ഓസ്‌ട്രേലിയയിലെ കിമ്പര്‍ലിയില്‍ നിന്നും ഈ അപൂര്‍വ ദൃശ്യങ്ങള്‍ പകര്‍ത്തിയത്.
ഏകദേശം 20 അടിയോളം നീളമുണ്ടായിരുന്ന മുതല ഒരു വലിയ പശുവിനെയും കടിച്ചുവലിച്ചാണ് നദിയിലൂടെ നീന്തിയത്.
പടിഞ്ഞാറന്‍ ഓസ്‌ട്രേലിയയിലുള്ള ബാറാമുണ്ടി നദിയില്‍ നിന്നാണ് ഈ അപൂര്‍വ ദൃശ്യങ്ങള്‍ പകര്‍ത്തിയത്. മുതല കരയില്‍ നിന്നും കടിച്ചെടുത്തു കൊണ്ടുവന്നതായിരുന്ന പശുവിനെ.
നദിയുടെ നടുവിലെത്തിയ മുതല പിന്നാലെ ബോട്ടിലെത്തി ശല്യപ്പെടുത്തിയതിനാലാകണം ഇരയെ വിട്ട് നദിയുടെ ആഴങ്ങളിലേക്ക് മറഞ്ഞു.
ഈ നദിയില്‍ ഏകദേശം 150-തോളം മുതലകള്‍ ഉണ്ടെന്നാണ് കണക്കുകള്‍ സൂചിപ്പിക്കുന്ന്. ജൂലൈ 24-ന് യൂട്യൂബില്‍ പോസ്റ്റ് ചെയ്ത ഈ ദൃശ്യങ്ങള്‍ ഇപ്പോള്‍ തന്നെ ഒരുലക്ഷത്തിലധികം ആളുകള്‍ കണ്ടു കഴിഞ്ഞു.
https://www.facebook.com/Malayalivartha
