ട്രെയിനില്‍ കയറുന്ന യാത്രക്കാര്‍ മര്യാദയ്ക്ക് പെരുമാറാന്‍ വേണ്ടി ഒരു ട്രെയിന്‍ ഓപ്പറേറ്റര്‍ ചെയ്ത പണിയെന്തെന്നറിയണ്ടേ..?സാക്ഷാല്‍ അനബെല്ലയെ തന്നെ അങ്ങ് ഇറക്കി. അനബെല്ലയെന്നാല്‍ ഹോളിവുഡ് ഹൊറര്‍ ചിത്ര പരമ്പരയിലെ പാവയായ കഥാപാത്രം.

മലേഷ്യയിലെ ഒരു ട്രെയിന്‍ സ്‌റ്റേഷനിലാണ് സംഭവം നടന്നത്. ട്രെയിന്‍ ടിക്കറ്റ് എടുക്കാനുള്ള സൈ്വപ്പിങ് മെഷീനിലും ട്രെയിനിന്റെ ഡോറിലും ആളുകള്‍ ചില വികൃതികളൊക്കെ കാണിക്കാറുണ്ട്. ഇത് തടയാന്‍ വേണ്ടിയാണ് ആശാന്‍ ഒരു പണിയിറക്കിയത്.

ടിക്കറ്റ് മെഷീനിന്റെ അടുത്ത് ഒരു അനബെല്ലയുടെ പാവയെ കൊണ്ട് വയ്ക്കുകയും അതിനടുത്ത് ഒരു കുറിപ്പ് എഴുതി വെയ്ക്കുകയും ചെയ്തു. അതില്‍ ഇങ്ങനെയാണ് എഴുതിയിരുന്നത്ഇവിടെയും ട്രെയിനിന് അകത്തും മര്യാദയോടെ പെരുമാറിയില്ലെങ്കില്‍ ഈ പാവ നിങ്ങളെ ജീവിതകാലം മുഴുവന്‍ വേട്ടയാടും''.ഇത് വായിച്ച ചിലര്‍ പേടിച്ചരണ്ടു. ചിലര്‍ പുച്ഛിച്ച് തള്ളി. ഏതായാലും യാത്രക്കാരെല്ലാം ഇപ്പോള്‍ മര്യാദയോടെയാണ് പെരുമാറുന്നത്.