മോഷ്ടിക്കാന്‍ കയറിയ വീട്ടിലിരുന്ന വിലകൂടിയ ഷാംപെയ്ന്‍ കുടിച്ച കള്ളന് സംഭവിച്ചത്...
മോഷ്ടിക്കാന്‍ കയറിയാല്‍ കൈയില്‍ കിട്ടുന്ന വിലപിടിപ്പുള്ള വസ്തുക്കള്‍ അടിച്ചുമാറ്റി എത്രയും പെട്ടെന്ന് സ്ഥലം വിടുന്നതാണ് കള്ളന്മാര്‍ക്ക് നല്ലത്.
എന്നാല്‍ ഒരു വീട്ടില്‍ മോഷ്ടിക്കാന്‍ കയറിയ കള്ളന് പറ്റിയ അമളിയാണ് നവമാധ്യമങ്ങള്‍ ഇപ്പോള്‍ ആഘോഷിക്കുന്നത്. പടിഞ്ഞാറന്‍ ഓസ്‌ട്രേലിയയിലെ എസ്‌പെറന്‍സ് എന്ന സ്ഥലത്താണ് സംഭവം നടന്നത്.
വിലപിടിപ്പുള്ള വസ്തുക്കള്‍ തിരയുന്നതിനിടെയാണ് അലമാരയില്‍ ആറുകുപ്പി ലൂയിസ് പെര്‍ഡ്രിയര്‍ ഷാംപെയ്ന്‍ ഇരിക്കുന്നത് കണ്ടത്.
പിന്നെയൊന്നും നോക്കിയില്ല, ഒരു കുപ്പിയെടുത്ത് അകത്താക്കി. ലഹരി തലയ്ക്കുപിടിച്ചതോടെ കട്ടിലില്‍ കിടന്ന് സുഖമായി ഒന്നുറങ്ങുകയും ചെയ്തു.
ഈ സമയം പുറത്തായിരുന്ന വീട്ടുടമസ്ഥയായ യുവതി തിരികെ വന്നപ്പോള്‍ കണ്ടത് തന്റെ കട്ടിലില്‍ ഒരാള്‍ കിടന്ന് ഉറങ്ങുന്ന കാഴ്ചയായിരുന്നു.
ആദ്യം ഇതു കണ്ട് അമ്പരന്ന് പോയെങ്കിലും ധൈര്യം സംഭരിച്ച് സമീപവാസികളെയും പോലീസിനെയും വിവരമറിയിച്ചു. പോലീസ് മോഷ്ടാവിനെ ആശുപത്രിയില്‍ പ്രവേശിപ്പിച്ച ശേഷം കേസെടുക്കുകയും ചെയ്തു.
https://www.facebook.com/Malayalivartha
