യു.കെയില്‍ എവിടെയോ താമസിക്കുന്ന ഒരാളെ കാത്തിരിക്കുന്നത് സംഗീതജ്ഞന്‍ എഡ് ഷീരന്‍, ഫുട്‌ബോള്‍ താരം ഗാരെത് ബെയ്ല്‍ എന്നിവരോളം പോന്ന കോടീശ്വരന്‍ ആകാനുള്ള ഭാഗ്യമാണ്. 'ദി നാഷണല്‍ ലോട്ടറി എന്ന ഏജന്‍സിയുടെ ജൂലൈ 28 വെള്ളിയാഴ്ച നറുക്കെടുത്ത ജാക്‌പോട്ടിനാണ് 51.7 മില്യണ്‍ യൂറോയുടെ സമ്മാനം അടിച്ചിരിക്കുന്നത്. 5,9,29,31,41 എന്ന നമ്പറിനാണ് സമ്മാനത്തുക കിട്ടിയത്.

എന്നാല്‍ ഇതുവരെ തുക കൈപ്പറ്റാന്‍ ഒരാളും എത്തിയിട്ടില്ല. അതിനാല്‍ തന്നെ ഏജന്‍സി ഒരു പരസ്യം തന്നെ നടത്തുകയായിരുന്നു. നിങ്ങളുടെയെല്ലാം പോക്കറ്റില്‍ ആ ലോട്ടറി ഉണ്ടോയെന്ന് തപ്പി നോക്കാന്‍.

ഈ വര്‍ഷം ഇത് നാലാം തവണയാണ് യൂറോ മില്യണ്‍സ് ജാക്ക്‌പോട്ട് യു.കെയിലെ ജനവാസികള്‍ക്ക് ലഭിക്കുന്നത്. കഴിഞ്ഞ ജൂണ്‍ മാസത്തില്‍ ഒരാള്‍ക്ക് 87 മില്യണ്‍ യൂറോയും ഫെബ്രുവരിയില്‍ 39.9,19.9 മില്ല്യണ്‍ യൂറോ എന്നിങ്ങനെ സമ്മാനത്തുക ലഭിച്ചിരുന്നു.

ഏതായാലും ഉടന്‍ തന്നെ ആ ഭാഗ്യവാന്‍ തങ്ങളെ സമീപിക്കുമെന്ന വിശ്വാസത്തിലാണ് ഏജന്‍സി അധികൃതര്‍.