തന്നെ തോല്‍പ്പിക്കാനാവില്ല എന്ന് കാണികളെ നോക്കി വെല്ലുവിളിച്ചു;യുവതി വന്ന് പഞ്ഞിക്കിട്ടു!
അന്താരാഷ്ട്ര താരം ദി ഗ്രേറ്റ് ഖാളി ആരംഭിച്ച കോണ്ടിനെന്റല്‍ റെസ്ലിങ് എന്റര്‍ടൈന്‍മെന്റിലെ മികച്ച ഗുസ്തിക്കാരി ആണ് ബി ബി ബുള്‍ബുള്‍. ഒരേ സമയം ആണുങ്ങളെയും പെണ്ണുങ്ങളെയും മലര്‍ത്തി അടിക്കാന്‍ ശേഷി ഉള്ള ഇന്ത്യയിലെ തന്നെ ആദ്യത്തെ വനിതാ ഗുസ്തിക്കാരി. തന്റെ എതിരാളിയെ നിഷ്പ്രഭം കീഴ്‌പ്പെടുത്തിയ ബുള്‍ബുള്‍ വിജയത്തിന്റെ ആവേശം തലയ്ക്ക് പിടിച്ചു മുന്നിലിരുന്ന കാണികളെ വെല്ലുവിളിക്കുകയായിരുന്നു.
തന്നെ പരാജയപ്പെടുത്താന്‍ ആരും തന്നെ ഇല്ലെന്ന അഹങ്കാരം ആണ് അത്തരത്തില്‍ ഒരു വെല്ലുവിളി നടത്താന്‍ ബുള്‍ബുളിനെ പ്രേരിപ്പിച്ചത്. ആ വെല്ലുവിളി സ്വീകരിച്ചു കാണികളില്‍ നിന്നും മുന്‍ ഹരിയാന പോലീസ് ഉദ്യോഗസ്ഥ വരികയായിരുന്നു. ബുള്‍ബുള്‍നെ സംബന്ധിച്ചിടത്തോളം ഇതൊക്കെ നിക്ഷപ്രഭമാക്കാന്‍ വെറും നിമിഷങ്ങള്‍ മാത്രമേ ആവശ്യം ഉള്ളു. എന്നാല്‍ ആദ്യത്തെ പഞ്ചില്‍ ഹരിയാനയിലെ പോലീസുകാരിയെ തള്ളിയിട്ട ബുള്‍ബുള്‍ പിന്നീടങ്ങോട്ട് മുട്ടന്‍ ഇടി വാങ്ങിച്ച് കൂട്ടി.
തന്റെ വെല്ലുവിളി വക വെക്കാതെ കയറി വന്ന കവിതയെ ആദ്യം തല്ലി താഴേക്ക് വീഴ്ത്തി സന്തോഷം പ്രകടിപ്പിച്ചു ബുള്‍ബുള്‍. എന്നാല്‍ ആ സന്തോഷത്തിനു അല്പായുസ്സേ ഉണ്ടായിരുന്നുള്ളു. തിരിഞ്ഞു വന്ന ബുള്‍ബുളിനെ രണ്ടു തവണ മലര്‍ത്തിയടിച്ചു കവിത വേദിയില്‍ ആവേശത്തിന്റെ അഗ്‌നി പരത്തി. കാണികള്‍ എല്ലാവരും തന്നെ ആവേശഭരിതരായി.ആരെയും ചെറുതായി കാണരുതെന്ന പാഠം ഇതിലൂടെ എങ്കിലും ബുള്‍ബുള്‍ മനസ്സിലാക്കി കാണും.
https://www.facebook.com/Malayalivartha
