മനുഷ്യനെക്കാളും സ്‌നേഹം മൃഗങ്ങള്‍ക്ക് ഉണ്ടാകുമെന്ന് പറഞ്ഞുകേട്ടിട്ടുണ്ട്. ഏറ്റവും സഹാനുഭൂതിയുള്ള ജീവിയാണ് നായ. കൂടാതെ നായകളുടെ യജമാന സ്‌നേഹം എത്രത്തോളമെന്ന് കഥകളിലൂടെയെങ്കിലും നാം അറിഞ്ഞിരിക്കും. എന്നാല്‍, ആ സ്‌നേഹം തുറന്ന് കാണിക്കുകയാണ് ഈ വീഡിയോ.

വള്ളിയില്‍ തൂങ്ങി കുളത്തില്‍ ചാടിയ യജമാനന്‍ മുങ്ങി താഴുകയാണെന്ന് വിചാരിച്ച് രക്ഷിക്കാനായി പിറകെ ചാടിയതാണ് ഈ നായ. എന്നാല്‍ ചാടിയ ശേഷമാണ് നായക്ക് മനസ്സിലായത് തന്റെ യജമാനന് നീന്തല്‍ അറിയാമെന്ന്.

നമ്മള്‍ മനുഷ്യരാണെങ്കില്‍ ഒരു നിമിഷമെങ്കിലും ഒന്നുചിന്തിച്ച ശേഷമേ ആളെ രക്ഷിക്കാന്‍ എടുത്തുചാടുകയുള്ളു. മറ്റുള്ളവരെ രക്ഷിക്കുന്നതിലുപരി സ്വയം രക്ഷയായിരിക്കും അധിക പേരും നോക്കുക. എന്നാല്‍ ഇവിടെ നന്ദിയുള്ള നായ് വര്‍ഗത്തിന് മറ്റൊന്നും ചിന്തിക്കേണ്ട ആവശ്യമില്ല. അവന്‍ യജമാന സ്‌നേഹമുള്ളവനാണ്. യജമാനന്‍ കഴിഞ്ഞേ അവന് മറ്റെന്തുമുള്ളൂ.