സാധാരണ പ്രായമുള്ള ആളുകളെ അവഗണിക്കുന്ന രീതിയാണ് ഇന്ന് എല്ലാവര്‍ക്കുമുള്ളത്. എന്നാല്‍ മിനസോട്ടയിലെ പോലീസ് ഉദ്യോഗസ്ഥയായ കിം ലെന്‍സ് തന്റെ പട്രോളിംഗിനിടെയാണ് 92-കാരിയായ മില്ലി സെയ്വര്‍ റോഡില്‍ നിന്ന് നൃത്തം ചെയ്യുന്നത് കണ്ടത്.

തന്റെ സ്‌ക്വാഡ് കാറില്‍ റേഡിയോ കേട്ട് കൊണ്ടിരുന്ന ലെന്‍സ് ഉടനെ വൃദ്ധയ്‌ക്കൊപ്പം ചേരുകയായിരുന്നു. ഈ സുന്ദരമായ നിമിഷം കണ്ടു നിന്നവര്‍ ചിത്രീകരിച്ച് ഫേയ്‌സ്ബുക്ക് പേജില്‍ ഇടുകയായിരുന്നു. 40,000ലധികം തവണയാണ് ഈ വീഡിയോ പലരും കണ്ടത്.

92-കാരിയായ വൃദ്ധ സെയ്വര്‍ തന്റെ ജീവിതം തന്നെ നൃത്തത്തിന് വേണ്ടിയാണ് ചിലവഴിച്ചിരുന്നത്. സെയ്വറിന്റെ 90മത്തെ പിറന്നാളിനും മനോഹരമായി നൃത്തം ചെയ്തിരുന്നതായി ചെറുമകള്‍ പറയുന്നു. താന്‍ നൃത്തം ചെയ്യുന്ന വീഡോയോയ്ക്ക് ഇത്രയും പ്രേക്ഷകര്‍ ഉണ്ടായതായി സെയ്വര്‍ അറിഞ്ഞിരുന്നില്ല.

ഇത് തന്നെ അദ്ഭുതപ്പെടുത്തിയെന്നും, താന്‍ ഞെട്ടിപ്പോയെന്നും ഇത് അറിഞ്ഞപ്പോള്‍ സെയ്വര്‍ പ്രതികരിച്ചു. ആളുകള്‍ എപ്പോഴും എന്തെങ്കിലും ചെയ്തുകൊണ്ടിരിക്കണമെന്നാണ് സെയ്വര്‍ പറയുന്നത്. അത് പുറത്തുള്ള നടത്തമായാലും മതിയെന്ന് സെയ്വര്‍ പറയുന്നു.