വെള്ളപ്പൊക്കം കൊണ്ടും ഗുണമുണ്ട്...!വീഡിയോ കാണാം
ഇപ്പോള്‍ ഫെയ്‌സ്ബുക്കില്‍ വൈറലാകുന്നത് ഒരു യുവാവ് സ്വന്തം വീടിനുള്ളില്‍ നിന്ന് മീന്‍ പിടിക്കുന്നതിന്റെ ദൃശ്യങ്ങളാണ്. ടെക്‌സസില്‍ ഹാര്‍വെ ചുഴലിക്കാറ്റില്‍ പെട്ട് വീടിനുള്ളില്‍ വെള്ളം കയറിയപ്പോഴാണ് യുവാവ് മീന്‍പിടുത്തത്തിനിറങ്ങിയത്.
സൗള്‍ സൗധന എന്നയാള്‍ ഫെയ്‌സ്ബുക്കില്‍ പോസ്റ്റ് ചെയ്ത വീഡിയോ 24 മണിക്കൂറുകള്‍ കൊണ്ട് വൈറലാകുകയായിരുന്നു. വളരെ ആത്മാര്‍ത്ഥമായി സൗള്‍ മീന്‍ പിടിക്കുന്നത് മകളാണ് ചിത്രീകരിച്ചത്.
സ്വന്തം വീട്ടില്‍ മുട്ടോളം വെള്ളം കയറിയപ്പോഴാണ് സൗള്‍ മീന്‍ പിടിക്കുന്നത്. നിരവധി തവണ ഇയാളുടെ കൈയ്യില്‍ നിന്ന് മീന്‍ തെന്നി പോകുന്നത് കാണാം. തുടര്‍ന്ന് അവസാനം മീനിന്റെ വാലില്‍ പിടുത്തം കിട്ടുകയായിരുന്നു. അപ്പോള്‍ മകള്‍ ഉറക്കെ ചിരിക്കുന്നതും വീഡിയോയില്‍ കേള്‍ക്കാം.
10 മില്യണ്‍ ആളുകളാണ് ഈ വീഡിയോ ഇതിനോടകം കണ്ടത്. 4ലക്ഷം പേര്‍ ഈ വീഡിയോ ഷെയറും ചെയ്തിട്ടുണ്ട്. അതേസമയം വെള്ളപ്പൊക്കത്തില്‍ പെട്ട തങ്ങള്‍ സുരക്ഷിതരാണെന്ന് ഇദ്ദേഹത്തിന്റെ മകള്‍ ട്വീറ്റ് ചെയ്തു.
https://www.facebook.com/Malayalivartha
